پاکستانی رپورٹر نے بھارتی ٹی وی چینل کو انہی کے پروگرام میں بھر پور جواب دے دیا

سمیرا فقیرحسین ہفتہ 20 مئی 2017 15:44

اسلام آباد (اُردو پوائنٹ تازہ ترین اخبار۔ 20 مئی 2017ء) :پاکستانی رپورٹر نے بھارتی جاسوس کلبھوشن یادیو کے معاملے پر بھارتی میڈیا کو ان کے اپنے ہی پروگرام میں بھرپور جواب دے دیا۔تفصیلات کے مطابق پروگرام میں بھارتی اینکر نے قیوم صدیقی سے سوال کیا کہ کیا عالمی عدالت انصاف کی جانب سے جاری کیا گیا عبوری حکم پاکستان کے لیے کراری ہار نہیں ہے؟جس پر پاکستانی رپورٹر قیوم صدیقی نے کہا کہ آپ بھارت میں بھارتی ٹی وی چینل پر بیٹھے ہیں تو ظاہر ہے آپ وہی نکات اُچھالیں گے جس سے آپ کی حکومت کو سیاسی فائدہ پہنچے۔

ان کا کہنا تھا کہ جو لوگ قانون کو جانتے ہیں وہ یہ سمجھ سکتے ہیں کہ عدالتیں کسی بھی کیس کا ہنگامی فیصلہ کرنے کی بجائے اکثر اس کیس پر اسٹے آرڈر جاری کر دیتی ہیں۔ عالمی عدالت انصاف کے فیصلے کو آپ تو ایسے جیت قرار دے رہے ہیں جیسے کلبھوشن یادیو چھُپ کر آپ کے پاس پہنچ گیا ہے۔

(جاری ہے)

کلبھوشن ابھی بھی پاکستان کی حراست میں اور پاکستان کے سکیورٹی اداروں کے پاس ہے۔ جہاں تک کرارے جواب یا ہار کی بات ہے تو ابھی تو عالمی عدالت انصاف میں کیس شروع ہوا ہے۔ اتنا کہنا ہی تھا کہ بھارتی میڈیا نے قیوم صدیقی کا فون کاٹ دیا اور اینکر نے ایسا ظاہر کیا کہ جیسے فون خود ہی کٹ گیا ہو۔ قیوم صدیقی کی جانب سے بھارت کو کرار جواب دینے کی ویڈیو آپ بھی ملاحظہ کیجئیے:

Facebook Twitter Google + Share on Whatsapp

پاکستانی رپورٹر نے بھارتی ٹی وی چینل کو انہی کے پروگرام میں بھر پور جواب دے دیا

متعلقہ عنوان :

مزید اہم خبریں