قطر نے پاکستانی شہریوں کیلئے بلا معاوضہ تیس دن کے ویزے کا اعلان کردیا

پاکستانیوں کے قطر پہنچنے پر انہیں 30دن کا سیاحتی ویزا بغیر پیسوں کے فوری طورپر جاری کیا جائیگا جس میں توسیع بھی ہوسکتی ہے، بیان

منگل 19 ستمبر 2017 15:40

اسلام آباد (اُردو پوائنٹ اخبارتازہ ترین - این این آئی۔ 19 ستمبر2017ء) قطر نے پاکستانی شہریوں کیلئے بلا معاوضہ تیس دن کے ویزے کا اعلان کیا ہے ۔اسلام آباد میں قطر کے سفارتخانے سے جاری ہونے والے بیان میں کہاگیا کہ پاکستانیوں کے قطر پہنچنے پر انہیں 30دن کا سیاحتی ویزا بغیر پیسوں کے فوری طورپر جاری کیا جائیگا جس میں توسیع بھی ہوسکتی ہے ۔

(جاری ہے)

یاد رہے کہ اس سے پہلے قطر نے پاکستانیوں کو قطر پہنچنے پر ویزا دینے والے ممالک کی فہرست میں شامل کیا تھااور اب قطر کی حکومت نے بغیر پیسوں کے ویزے کا اعلان کیا ہے سفارتخانے کے بیان کے مطابق قطر سفر کر نے والے پاکستانیوں کے پاس چھ ماہ کیلئے کار آمد پاسپورٹ ہونا لازمی ہوگا اس کے علاوہ مسافروں کے پاس ریٹرن ٹکٹ ،ْ پانچ ہزار ر یال کے برابر رقم یا کار آمد کریڈٹ کارڈ ہونا چاہیے ۔

بیان میں کہاگیا کہ تیس دن کے ویزے کیلئے کوئی رقم وصول نہیں کی جائیگی ،اس ویزے میں ریٹرن ٹکٹ کی کنفرمیشن کے بعد توسیع بھی ہوسکتی ہے ۔بیان کے مطابق پاکستان سے براہ راست قطر جانے والے مسافروں کے پاس پولیو ویکسینیشن سرٹیفکیٹ ہو نا چاہیے ۔پولیو سرٹیفکیٹ کا طریقہ کار حالیہ دنوں میں متعارف کرایا گیا ہے ۔