نوازشریف ،ْ مریم نواز اور کیپٹن صفدر کے خلاف نیب ریفرنسز کیس کی سماعت بغیر کارروائی کے ملتوی
جمعہ 3 نومبر 2017 12:41
(جاری ہے)
نواز شریف کی جانب سے حاضری یقینی بنانے کیلئے مچلکے داخل کرا دیئے گئے جبکہ نوازشریف کے وکیل خواجہ حارث کا کہنا تھا کہ سابق وزیراعظم کی ہائیکورٹ میں درخواست ہے اور عدالت عالیہ کے فیصلے پر اہم قانونی نکات ہیں جن پر عدالت کی معاونت کرنی ہے لہٰذا وقت دیا جائے۔
احتساب عدالت اسلام آباد کے جج محمد بشیر ، سابق وزیر اعظم نواز شریف کے خلاف3 جبکہ مریم نواز اور کیپٹن ریٹائرڈ صفدر کے خلاف ایک ریفرنس کی سماعت کررہے ہیں۔اس موقع پر (ن )لیگی رہنما مشاہد اللہ خان اور ایم این اے ملک ابرار کو احتساب عدالت جانے سے روک دیا گیا جبکہ نواز شریف کے وکیل خواجہ حارث اپنی ٹیم کے ہمراہ عدالت پہنچے۔سابق وزیر اعظم کی پیشی کے موقع پر فیڈرل جوڈیشل کمپلیکس کے اطراف سخت سیکیورٹی انتظامات کے تحت ایک ہزار سے زائد پولیس اور ایف سی اہلکار تعینات کیے گئے ہیں۔فیڈرل جوڈیشل کمپلیکس میں عام افراد کے داخلے پر پابندی رہی اور جوڈیشل کمپلیکس جانے والے راستے کشمیر ہائی وے سے عام ٹریفک کیلئے رکاوٹیں لگا کر بند کیے گئے۔قبل ازیں احتساب ریفرنس کی سماعت کیلئے (ن )لیگی رہنما پہلے سے عدالت پہنچنے جن میں وزیر اعظم کے مشیر مصدق ملک اور طارق فاطمی کے علاوہ پرویز رشید ،ْمریم اورنگزیب ،ْطلال چوہدری اورمحسن شاہنواز رانجھا شامل تھے۔یاد رہے کہ عدالت نے ایون فیلڈ پراپرٹیز ریفرنس میں ایس ای سی پی کی سدرہ منصور جبکہ العزیزیہ اسٹیل ملز اور فلیگ شپ انوسٹمنٹ ریفرنسز میں کمشنر ان لینڈ ریونیو جہانگیر احمد کو بیان ریکارڈ کرانے کے لیے طلب کر رکھا ہے۔نواز شریف پر ان کی غیر حاضری میں ان کے نمائندے ظافر خان کے سامنے جبکہ مریم نواز اور کیپٹن ریٹائرڈ صفدر پر ان کی موجودگی میں 19اکتوبر کو فرد جرم عائد کی گئی۔ملزمان نے صحت جرم سے انکار کرتے ہوئے کہا تھا کہ الزامات بے بنیاد اور مضحکہ خیز ہیں، فرد جرم نامکمل اور متنازع رپورٹ پر عائد کی گئی ہے۔اب تک ریفرنسز کی 8 سماعتیں ہو چکی ہیں جن میں سے نواز شریف2جبکہ مریم نواز اور کیپٹن ریٹائرڈ صفدر 4 مرتبہ عدالت میں پیش ہوئے۔عدم حاضری پر تمام ملزمان کے قابل ضمانت وارنٹ گرفتاری جاری کیے گئے۔ کیپٹن ریٹائرڈ صفدر کو ناقابل ضمانت وارنٹ گرفتاری کے باعث اسلام آباد کے بے نظیر بھٹو انٹرنیشنل ایئر پورٹ سے گرفتار کر کے 9 اکتوبر کو عدالت میں پیش کیا گیا تھا۔حسن نواز اور حسین نواز تینوں ریفرنسز میں مفرور ملزم ہیں جو 10نومبر تک عدالت کے سامنے حاضر نہ ہوئے تو انہیں اشتہاری ملزم قرار دے دیا جائے گا۔متعلقہ عنوان :
مزید اہم خبریں
-
مذہبی سیاحت کو فروغ دے کرسکھوں سمیت مذہبی مقامات پرغیرملکیوں کو راغب کیا جاسکتا ہے ، وفاقی وزیرداخلہ محسن نقوی
-
بچوں کا اغوا مافیاز کے لیے منافع بخش تجارت
-
ملائشیا: مہاتیر محمد کو انسداد بدعنوانی تحقیقات کا سامنا
-
زرمبادلہ کے ملکی ذخائر میں جاری مالی سال کے دوران مجموعی طورپر4.120 ارب ڈالر اضافہ
-
کاندھوں کی سیاست ختم کرنے کیلئے سیاستدانوں کو مل بیٹھنا ہوگا، رانا ثنااللہ
-
خواجہ آصف نے عمران خان پر سمجھوتے کیلئے دبا ئوڈالنے کا دعویٰ مسترد کر دیا
-
وزیر اعظم 28 اپریل ورلڈ اکنامک فورم میں شرکت کیلئے سعودی عرب روانہ ہوں گے
-
مارچ کے مہینے میں آئی ٹی برآمدات سب سے زیادہ رہیں، شہباز شریف
-
قومی اسمبلی کا اجلاس مقررہ وقت پر شروع ہو گا اس میں تاخیر نہیں ہو گی، سردارایاز صادق
-
عدت پوری کیے بغیربیوی کی بہن سے شادی غیرقانونی قرار، ہائیکورٹ کا تحریری فیصلہ جاری
-
پاکستان کے معاشی حالات بہتر ہو رہے ہیں، وزیر اعظم شہباز شریف
-
پولیس وردی پہننے پر مریم نواز تنقید کی زد میں، پولیس کی وضاحت
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.