نیروبی میں اقوام متحدہ کے دفتر میں مستقل مندوب رضا بشیر تارڑ متفقہ طورپر اقوام متحدہ کی ماحولیاتی اسمبلی کے بیورو کا مندوب منتخب

پیر 11 دسمبر 2017 12:41

ْ نیویارک (اُردو پوائنٹ اخبارتازہ ترین - این این آئی۔ 11 دسمبر2017ء) کینیا میں پاکستان کے ہائی کمشنر اور نیروبی میں اقوام متحدہ کے دفتر میں مستقل مندوب رضا بشیر تارڑ کو متفقہ طورپر اقوام متحدہ کی ماحولیاتی اسمبلی کے بیورو کا مندوب منتخب کیا گیا ہے ۔

(جاری ہے)

انہیں ایشیاء بحر الکاہل گروپ نے اس عہدے کیلئے نامزد کیا گیا تھا ۔یہ انتخاب ماحول کے تحفظ کیلئے عالمی اور علاقائی کوششوں میں پاکستان کے فعال کر دار کا اعتراف ہے۔پاکستان کو یہ اعزاز بھی حاصل ہے کہ اس نے یو این ای اے کیلئے ’’آلودگی سے پاک سیارے ‘‘کا موضوع تجویز کیا تھا ۔