الیکشن کمیشن نے جلسہ میں شرکت پر عمران خان اور علی جہانگیر ترین کو نوٹس جاری کردیا

جمعہ 9 فروری 2018 21:55

اسلام آباد (اُردو پوائنٹ اخبارتازہ ترین - این این آئی۔ 09 فروری2018ء) الیکشن کمیشن نے قومی اسمبلی کے حلقہ این اے 154 لودھراں میں ضمنی انتخابات کیلئے تحریک انصاف کے امیدوار کے جلسہ میں عمران خان کی شرکت پر عمران خان اور تحریک انصاف کے امیدوار علی جہانگیر ترین کو نوٹس جاری کر دیئے ہیں۔

(جاری ہے)

الیکشن کمیشن کی جانب سے دونوں رہنمائوں کو جاری کئے گئے الگ الگ نوٹسز میں کہا گیا کہ الیکشن کمیشن کی جانب سے جاری کئے گئے ضابطہ اخلاق کے مطابق کسی بھی حلقہ میں انتخاب کے شیڈول کے بعد اراکین پارلیمنٹ و صوبائی اسمبلیوں یا حکومت و کابینہ کے اراکین کے انتخابی مہم میں حصہ لینے پر پابندی ہے۔

انہوں نے دونوں رہنمائوں سے کہا ہے کہ وہ ضابطہ اخلاق کی پابندی کریں۔ واضح رہے کہ اس حلقہ میں ضمنی انتخاب کیلئے پولنگ 12 فروری کو ہو گی۔