پاکستانی سفارت کار فرائض سنبھالنے بھارت جائیں گے،دفتر خارجہ
بھارت کو سفارت کاروں کی ہراسگی کے شواہد فراہم کردیئے ہیں، اسلام آباد میں تمام بین الاقوامی سفارت کاروں کی حفاظت کیلئے مطلوبہ اقدامات کرنے کا پابند ہیں، ویانا کنونشن کے تحت ہر ملک اس بات کا پابند ہے ، بھارت ان معاہدوںکی پاسداری نہیں کررہا، ڈاکٹر فیصل وزیراعظم نے دورہ ا مریکا کے دوران امریکی نائب صدرمائیک پینس سے ملاقات کی،پاکستان میں اب دہشت گردوں کا کوئی منظم وجود نہیں ہے، اگر امریکہ کے پاس کوئی اطلاعات موجودہوں تو امریکا انٹیلی جنس معلومات فراہم کرے تو پاکستان کارروائی کرنے کیلئے تیار ہے، ترجمان کی ہفتہ وار پریس بریفنگ
جمعرات 22 مارچ 2018 18:40
(جاری ہے)
بھارت میں پاکستانی سفارت کاروں کو ہراساں کیے جانے کے معاملے پر بات کرتے ہوئے کہا کہ پاکستان کو اپنے سفارت کاروں کی بھارت میں ہراسگی پر تحفظات ہیں، اس حوالے سے پاکستان نے تمام شواہد بھارت کو فراہم کیے ہیں جب کہ وہ بھارت میں پاکستانی ہائی کمشنر سہیل محمود واپس روانہ ہوجائیں گے۔
پاکستان ، اسلام آباد میں تمام بین الاقوامی سفارت کاروں کی حفاظت کیلئے مطلوبہ اقدامات کرنے کا پابند ہے، ویانا کنونشن کے تحت ہر ملک اس بات کا پابند ہے، جبکہ بھارت ان معاہدوںکی پاسداری نہیں کررہا، ایک سوال کے جواب میں انہوںنے کہا کہ بھارت نے سفارت کاروں کو ہراساں کیے جانے کے کوئی ثبوت ابھی تک پیش نہیںکیا۔ ترجمان دفتر خارجہ نے خواجہ معین الدین چشتی کے عرس میں شرکت کے لیے پاکستانی زائرین کو بھارت کی جانب سے ویزہ نہ دینے پر مایوسی کا اظہار کیا۔ افغان صدر اشرف غنی کی جانب سے وزیراعظم پاکستان شاہد خاقان عباسی کو دورہ افغانستان کی دعوت کو مثبت پیش رفت قرار دیا اور کہا کہ پاکستان اس دعوت کا جائز ہ لیا جارہا ہے، بہت جلد افغان حکام کو جواب سے آگاہ کردینگے ۔ پاکستان ، ہمسایہ ملک کے ساتھ دوستانہ تعلقات کا خواہاں ہے، اس سلسلے میں پاکستان اپنا کردار اد ا کرنے کیلئے تیار ہے، پاک، امریکہ تعلقات کے حوالے سے بات کرتے ہوئے انہوںنے کہا کہ دونوں ممالک کے مابین خوشگوار باہمی تعلقات کیلئے ملاقاتوں کا سلسلہ جاری ہے، اس سلسلے میں وزیر اعظم پاکستان نے اپنے نجی دورے کے دوران امریکہ کے نائب صدر مائیک پنش سمیت دیگر اہم راہنمائوں سے ملاقاتیںکی۔ترجمان نے بتا یا کہ پاکستان نے افغانستان میں موجود تحریک طالبان پاکستان (ٹی، ٹی، پی) کے راہنمائوں پر کاروائی کا مطالبہ کیا تھا کہ جس کے بعد اتحادی فوجوںنے انکے ٹھکانوںپر حملے کیے ہیں، پاکستان اتحادی افواج کی کاروائی کو مثبت انداز میںدیکھتا ہے، البتہ اس سلسلے میں مزید کاروائی کی ضرورت ہے۔پاکستان میں موجود افغان مہاجرین کے بارے میں ایک سوال کے جواب میں ترجمان دفترخارجہ نے کہا کہ پاکستان اقوام متحدہ کے ادارہ (یو، این، ایچ ، سی ، آر) کے ساتھ رابطے میں ہے تاکہ ان کی جلد واپسی کا بندوبست کیا جائے۔دونوں ممالک کے مابین قیدیوںکے تبادلے کا کوئی معاہدہ موجود نہیں، البتہ دونوںممالک ایکدوسرے ملک کے قیدیوں کے تبادلے پر بات چیت کررہے ہیں۔بھارتی آرمی چیف کے بیان پر ردعمل کا اظہار کرتے ہوئے انہوںنے کہا کہ بھارت ایسے بیانات کے ذریعے اشتعال پھیلانا چاہیے۔البتہ پاکستان غیر ذمہ دارانہ رویہ کی مذمت کرتاہے، دونوں ممالک کے مابین حل طلب معاملات کو مزاکرات کے ذریعے حل کرنا چاہیے۔مسئلہ کشمیر کے حل کیلئے بین الاقوامی برادری کو اپنا کردار اد ا کرنا ہوگا۔ شمیم محمودمزید اہم خبریں
-
عوام کیلئے مہنگائی کا ایک اور "تحفہ"، بجلی مہنگی کر دی گئی
-
انصاف اس طرح ہونا چاہیے جیسا قانون کہتا ہے،چیف جسٹس نے اپنا اختیار کم کر کے پارلیمنٹ کی بالادستی کو تسلیم کیا‘ اعظم نذیر تارڑ
-
حکومت کا کام دعویٰ کرنا نہیں، کام کر کے دکھانا ہے، شاہد خاقان عباسی
-
علی امین گنڈاپور پختونوں کے نام پر دھبہ اور غیرت پر سوالیہ نشان ہے
-
وفاقی وزیرداخلہ کی چینی قونصل جنرل سے ملاقات، دوطرفہ تعاون وچینی شہریوں کی سکیورٹی پر تبادلہ خیال
-
وزیرخارجہ کا اقتصادی سفارت کاری اور بیرون ممالک کے ساتھ سرمایہ کاری کے تعلقات کو فروغ دینے کی کوششوں کی ضرورت پر زور
-
بانی چئیرمین نے اسٹیبلشمنٹ اور سیاسی جماعتوں سے مذاکرات کی اجازت دے دی
-
8 فروری کو پِک اینڈ چُوز ہوا لیکن اداروں کے سربراہان ملوث نہیں تھے
-
اگر 9 مئی والوں سے مذاکرات ہوئے تو پھر آئندبڑا سانحہ ہوسکتا ہے
-
چین میں پاکستان کیلئے تیار ہونے والی پہلی ہنگور کلاس آبدوز کا افتتاح
-
غیر قانونی بھرتیاں کیس، پرویزالٰہی کی درخواست ضمانت 2مئی کو سماعت کیلئے مقرر
-
نوجوانوں کیلئے متعین کوٹے پر عملدرآمد یقینی بنایا جائے ،وزیراعلیٰ گلگت بلتستان کا وزیراعظم شہباز شریف کو خط
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.