تعلیمی اداروں کی حدود میں مضر اشیائے خودونوش کی فروخت پر پابندی ہوگی ،رخسارعلی

جمعرات 29 مارچ 2018 13:29

مردان۔ (اُردو پوائنٹ اخبارتازہ ترین - اے پی پی۔ 29 مارچ2018ء) خیبرپختونخواپختونخوا فوڈ سیفٹی اور حلال فوڈ اتھارٹی کے اسٹنٹ ڈائر یکٹر رخسار علی نے کہا ہے کہ سکولوں اور کالجوں کی حدود میں مضرصحت اشیائے خوردونوش جس میںچپس ،پاپڑاورمشروبات وغیرہ شامل ہیں کی فروخت پر پابندی ہوگی اور اس پر فوری عملد رآمد کیا جائے گا جبکہ ضرورت پڑنے پر اس کا دائرہ کار جامعات تک بھی بڑھایا جائے گا۔

ان خیالات کا اظہار انہوں نے اپنے د فتر میں ایک اجلاس سے خطاب کر تے ہو ئے کیا۔

(جاری ہے)

انہوں نے کہا کہ غیر معیاری آئسکریم اور دیگر اشیا پر بھی پابندی ہوگی کیونکہ یہ اجزاء انسانی صحت کیلئے مضر ہے۔ انہوں نے کہا کہ فوڈ سیفٹی اور حلال فوڈ اتھارٹی نے صوبے کے سات اضلاع میں حفظان صحت کو یقینی بنانے کیلئے 8 کھانے پینے کی اشیاء کے علاوہ پان،گٹکا،چھالیہ،چورن،نسوار اور تمباکوپر پابندی عائد کردی ہے کیونکہ یہ اشیا انسانی صحت کے لیے نقصان دہ ہیں۔

انہوں نے کہا کہ ہم نے ضلع مردان کی تاجر برادری اور مردان چیمبر آف کامرس کے عہدایدروں سے ملاقاتیں کی ہے جس میں ان کو آگاہ کیا کہ وہ دکانداروں کو انتباہ کریں کہ مضر صحت اشیاء فروخت کرنے سے گریز کریں ورنہ انکے خلاف قانونی کاروائی عمل میں لائی جائیگی۔

Facebook Twitter Google + Share on Whatsapp

تعلیمی اداروں کی حدود میں مضر اشیائے خودونوش کی فروخت پر پابندی ہوگی ،رخسارعلی

مزید تعلیم کی خبریں