سنی لیون بیٹی کے تحفظ کیلئے آب دیدہ ہوگئیں

دنیا میں موجود تمام بچوں کو ہمیشہ برے لوگوں کے شر سے تحفظ کا احساس دلانا چاہیے، سنی لیون

پیر 16 اپریل 2018 11:55

سنی لیون بیٹی کے تحفظ کیلئے آب دیدہ ہوگئیں

ممبئی(اُردو پوائنٹ اخبارتازہ ترین - این این آئی۔ 16 اپریل2018ء) نامور بالی ووڈ اداکارہ سنی لیون نے اپنی بیٹی نشا کور ویبر کے نام آبدیدہ انداز میں ایک پیغام مداحوں کے ساتھ شیئر کیا ہے جس میں انہوں نے بیٹی کی خاطر جان دینے کا بھی عہد کیا ہے۔بالی ووڈ میں اداکارہ سنی لیون بولڈ مناظر کی عکس بندی کے حوالے سے پہچانی جاتی ہیں جو اب تک متعدد فلموں میں کام کرچکی ہیں جہاں سنی لیون بے باک اداکاری اور آئٹم گرل کی وجہ سے اپنی شہرت آپ ہیں وہیں دوسری جانب وہ بہترین ماں بھی مانی جاتی ہیں جنہوں نے یتیم بچی کو گود لے کر تمام انڈسٹری کے لیے مثال قائم کردی یہی وجہ ہے کہ سنی لیون نے اپنی بیٹی کے لیے پیار بھرا پیغام دیا ہے۔

سنی لیون نے انسٹا گرام پر اپنی بیٹی نشا کور ویبر کی اپنے ساتھ ایک تصویر شیئر کی ہے جس میں وہ بیٹی کو آغوش میں لیے بیٹھی ہیں جب کہ انہوں نے بیٹی کے نام آب دیدہ انداز میں اپنے پیغام میں کہا ہے کہ میں وعدہ کرتی ہوں کہ اپنے پورے دل سے، روح سے اور جسم سے آپ کی ہر طرح سے حفاظت کروں گی اور دنیا میں موجود برے لوگوں سے بھی محفوظ رکھنے کی کوشش کروں گی چاہے اس کے لیے مجھے اپنی جان ہی کیوں نہ دینی پڑی۔

(جاری ہے)

سنی لیون نے اپنے پیغام میں مزید کہا کہ دنیا میں موجود تمام ہی بچوں کو ہمیشہ بٴْرے لوگوں کے شر سے تحفظ کا احساس دلانا چاہیے، انہوں نے درخواست کرتے ہوئے کہا کہ آئیے اپنے بچوں سے قریب تر ہوجائیں اور ہر قیمت پر ان کا تحفظ کریں۔یاد رہے کہ سنی لیون نے رواں ماہ کی ابتدا میں سروگیسی کے ذریعے اپنے گھر دو جڑواں بچوں کی پیدائش کی خوش خبری سنائی تھی، اس سے قبل سنی اور ان کے شو ہر نے ایک یتیم بچی کو گود لیا تھا جس کا نام نشا کور ویبر رکھا تھا۔

Facebook Twitter Google + Share on Whatsapp

سنی لیون بیٹی کے تحفظ کیلئے آب دیدہ ہوگئیں

دنیا میں موجود تمام بچوں کو ہمیشہ برے لوگوں کے شر سے تحفظ کا احساس دلانا چاہیے، سنی لیون

مزید فن و فنکار کی خبریں