فضا علی کا نیا گانا ’’مہندی والی رات ‘‘جلد ریلیز کیا جائے گا، پوسٹر جاری

ہفتہ 18 اکتوبر 2025 11:39

لاہور (اُردو پوائنٹ اخبارتازہ ترین - این این آئی۔ 18 اکتوبر2025ء) اداکارہ، ماڈل اور گلوکارہ فضا علی کا نیا گانا ’’مہندی والی رات ‘‘جلد ریلیز کیا جائے گا۔فضا علی جو ماڈلنگ، اداکاری اور میزبانی کے ساتھ اپنی آواز کا جادو بھی بکھیر چکی ہیں اس بار شادی بیاہ کی مناسبت سے ایک رنگا رنگ گیت لے کر آ رہی ہیں، گانے کا پوسٹر جاری کر دیا گیا ہے جبکہ لانچنگ تقریب رواں ماہ منعقد کی جائے گی جس میں شوبز سے وابستہ نمایاں شخصیات شرکت کریں گی۔

(جاری ہے)

ویڈیو سونگ کی ہدایتکاری عادل عسکری نے دی ہے جبکہ موسیقی تابو نے ترتیب دی ہے، "مہندی والی رات" میں پاکستانی ثقافت اور روایتی شادی بیاہ کی جھلک خوبصورتی سے پیش کی گئی ہے۔فضا علی اس سے قبل بھی شادی بیاہ کے موضوع پر گانے کر چکی ہیں، ان کا گانا "سہرا" لاکھوں ویوز حاصل کر چکا ہے اور دنیا بھر میں مقبول ہوا ہے۔ان کے دیگر مشہور گانوں میں مکھی، شالہ، چاندنی، دور نہ جا، رنگ رلیاں، راتاور بے وفا شامل ہیں جنہیں مداحوں کی بھرپور پذیرائی ملی ہے۔