جاپان کی آبادی میں کمی کا رجحان ساتویں سال بھی جاری

پیر 16 اپریل 2018 12:00

ٹوکیو ۔ (اُردو پوائنٹ اخبارتازہ ترین - اے پی پی۔ 16 اپریل2018ء) جاپان کی وزارت داخلہ نے کہا ہے کہ ملکی آبادی مسلسل کم ہو رہی ہے۔ جاپان کے نشریاتی ادارے کے مطابق وزارت داخلہ کی جانب سے جاری کردہ سروے کے اعدادوشمار میں واضح کیا گیا ہے کہ گزشتہ سال یکم اکتوبر کو غیر ملکیوں سمیت جاپان کی کل آبادی 12 کروڑ 67 لاکھ تھی یہ تعداد 2016 کی نسبت 2 لاکھ 27 ہزار کم ہے۔

(جاری ہے)

صِنفی اعتبار سے مردوں کی تعداد تقریباً 6 کروڑ 16 لاکھ 50 ہزار اور عورتوں کی تعداد 6 کروڑ 50 لاکھ 50 ہزار رہی، 65 برس یا اٴْس سے زائد عمر کے افراد کی تعداد ریکارڈ حد تک بڑھتے ہوئے کل آبادی کا 27.7 فیصد ہے جبکہ 15 سال سے کم عمر بچوں کی تعداد ریکارڈحد تک کم ہو کر کل آبادی کا 12.3 فیصد ہے۔ رپورٹ کے مطابق گزشتہ سات سالوں سے آبادی میں مسلسل کمی کا رحجان دیکھا رہا ہے۔

Facebook Twitter Google + Share on Whatsapp

جاپان کی آبادی میں کمی کا رجحان ساتویں سال بھی جاری

مزید بین الاقوامی خبریں