ہری پور کی یونین کو نسل سرائے نعمت خان کی مسلم لیگ (ن) کی تنظیم سازی مکمل کر دی گئی

ہری پور۔ (اُردو پوائنٹ اخبارتازہ ترین - اے پی پی۔ 16 اپریل2018ء) ہری پور کی یونین کو نسل سرائے نعمت خان کی مسلم لیگ (ن) کی تنظیم سازی مکمل کر دی گئی ہے، اتفاق رائے سے صدر قاضی سعید، نائب صدر مختیار احمد، جنرل سیکرٹری حیدر زمان اعوان، جوائنٹ سیکرٹری محمد رفیق اعوان اور پریس سیکرٹری ارشد رحمن اعوان کو منتخب کر لیا گیا ہے۔ نو منتخب کابینہ نے مسلم لیگ (ن) کیلئے دن رات ایک کر کے کام کرنے کے عزم کا اظہار کیا ہے۔

مسلم لیگ (ن) کا اہم اجلاس قاضی سعید کی رہائش گاہ پر منعقد ہوا جس میں یونین کونسل سرائے نعمت خان جملہ دیہات کے رہنمائوں بائیاں احمد خان سے حیدر زمان اعوان، سفیر اختر اعوان، الله داد اعوان، حاجی شاہزمان، سرائے نعمت خان سے افتخار ماما، عمر فاروق، بنارس خان، چیئرمین رفیق خان، پسوال سے ارشد رحمن اعوان، نور پور سے مختیار احمد، بانڈی میاں پیرداد سے سید مسعود شاہ، چوہدری لیاقت، جنرل کونسلر ملک نواز کنڈل سے ملک لال زیب، سریاں سے حاجی شیر افضل اور دیگر نے کثیر تعداد میں شرکت کی۔

(جاری ہے)

اجلاس میں متفقہ طور پر صدارت کیلئے قاضی سعید، نائب صدر مختیار احمد، جنرل سیکرٹری حیدر زمان اعوان، جوائنٹ سیکرٹری محمد رفیق اعوان اور پریس سیکرٹری ارشد رحمن اعوان کو منتخب کیا گیا اور یونین کونسل سرائے نعمت کی ویلج کونسل کی لوکل قیادت کا عنقریب انتخاب کر کے ممبر سازی مہم کا آغاز کیا جائے گا اور اس بات کا فیصلہ کیا گیا کہ آئندہ انتخابات میں مسلم لیگ (ن) یونین کونسل سرائے نعمت خان کی قیادت پارٹی کے مطابق امیدوار کو سپورٹ کرے اور پارٹی کے امیدواروں کو کامیاب کرانے کیلئے دن رات ایک کرے گی۔