منشیات کے خلاف کریک ڈاؤن جاری رہے گا، سربراہ فلپائنی پولیس

پیر 16 اپریل 2018 15:43

منیلا ۔ (اُردو پوائنٹ اخبارتازہ ترین - اے پی پی۔ 16 اپریل2018ء) فلپائن پولیس کے سربراہ رونلڈ ڈیلا روزا نے اس عزم کا اظہار کیا ہے کہ ان کی مدت ملازمت مکمل ہو جانے اور نئے پولیس سربراہ کی تقرری کے باوجود منشیات کے خلاف جنگ جاری رہے گی۔

(جاری ہے)

جرمن خبر رساں ادارے کے مطابق فلپائن پولیس کے سربراہ رونلڈ ڈیلا روزا نے کہا کہ ان کی ریٹائرمنٹ کا منشیات کے خلاف کریک ڈاؤن پر کوئی فرق نہیں پڑے گا۔

فلپائنی پولیس کے ڈائریکٹر جنرل روزا کی مدت ملازمت جمعرات کو ختم ہونے والی ہے۔ یکم جولائی 2016 کو صدر روڈریگو ڈوٹیرٹے کے برسراقتدار آنے کے بعد منشیات کے خلاف کریک ڈاؤن کی کارروائیوں میں چار ہزار سے زائد افراد ہلاک کیے جا چکے ہیں۔ روزا جمعرات کے روز ریٹائرڈ ہو جائیں گے اور ان کی جگہ آسکر البیالدے لے لیں گے۔