آرایم آئی میڈیا کرکٹ لیگ2، پی پی سی قبائلز اور مارخور کی ٹیموں نے میچز جیت لئے

پیر 16 اپریل 2018 16:38

پشاور۔ (اُردو پوائنٹ اخبارتازہ ترین - اے پی پی۔ 16 اپریل2018ء) آر ایم آئی ، خیبرپختونخوا سپورٹس ڈائریکٹریٹ ،ٹاپ اپ واٹر کمپنی اور ٹریفک وارڈن پولیس کے باہمی اشتراک اور پشاورپریس کلب کے زیراہتمام آر ایم آئی میڈیا کرکٹ لیگ 2میں دومیچز اختام پذیر ہوگئے ، لیگ میچز کاآج آخری دن ہے جس کے بعد کوآرٹرفائنل رائونڈ کاآغاز ہوگا، گزشتہ روز پہلا میچ پی پی سی جوگوارز اور پی پی سی مارخورکی ٹیموں کے مابین حسین شہید سیکنڈری سکول میں کھیلا گیا جس میں پی پی سی جوگوارز نے پہلے بیٹنگ کرتے ہوئے 68رنز بنائے جس میں سجاد یوسفزئی اور دوست محمد20,20رنز کیساتھ نمایاں رہے ، مارخور کی جانب سے رضوان نے 4کھلاڑیوں کوآئوٹ کیا، جواب میں پی پی سی مارخور کی ٹیم نے عمدہ کھیل پیش کرتے ہوئے 1وکٹ کے نقصان پر مطلوبہ ہدف حاصل کرلیا، یاسر علی51رنزبنا نے میں کامیاب ہوئے ، دوسرا میچ پی پی سی قبائلز اور پی پی سی قلندرز کی ٹیموں کے مابین کھیلا گیا جس میں قلندرز کی ٹیم نے پہلے بیٹنگ کرتے ہوئے مقررہ 10اوورز میں 4وکٹوں کے نقصان پر119رنزبنائے جس میں آفتاب احمد51اور محمود30 رنز بنا کرنمایاں بلے باز رہے ، جبکہ پی پی سی قبائلز کی جانب سے شاہد خان نے 2وکٹیں حاصل کیں، جواب میں سخت اور دلچسپ مقابلے کے بعد پی پی سی قبائلز نے مطلوبہ ہدف میچ کے آخری اوور میں 4وکٹوں کے نقصان پر حاصل کرلیا جس میں ارشاد نے شاندار بیٹنگ کرتے ہوئے 62جبکہ علی شیخ نے 27رنزکی ایننگ کھیلی، دونوں میچز میں امپائرنگ کے فرائض ثناء اللہ اور عثمان جبکہ سکوررعمران یوسفزئی اور میچ ریفری کے فرائض عدنان طارق نے سرانجام دیئے ۔

Facebook Twitter Google + Share on Whatsapp

آرایم آئی میڈیا کرکٹ لیگ2، پی پی سی قبائلز اور مارخور کی ٹیموں نے میچز جیت لئے

متعلقہ عنوان :

مزید کھیلوں کی خبریں