عمران خان پاکستان کے پیدا کردہ عظیم ترین کھلاڑیوں میں سے ایک ہیں : مائیکل ایتھرٹن

جن سابق کرکٹرز نے خط پر دستخط کیے ہیں ان میں سے بہت سے عمران کیخلاف کھیلے ہیں، انہیں بطور ایک سابق کھلاڑی بہت عزت کی نگاہ سے دیکھا جاتا ہے : سابق انگلش کپتان

ذیشان مہتاب جمعہ 28 اگست 2026 12:38

عمران خان پاکستان کے پیدا کردہ عظیم ترین کھلاڑیوں میں سے ایک ہیں : مائیکل ..

لاہور (اردو پوائنٹ تازہ ترین اخبار ۔ 28 اگست 2026ء ) سابق انگلش کپتان اور معروف کمنٹیٹر مائیکل ایتھرٹن نے لیجنڈری کرکٹر اور سابق وزیراعظم عمران خان کو پاکستان کے پیدا کردہ عظیم ترین کھلاڑیوں میں سے ایک قرار دیدیا۔

سکائی سپورٹس کو انٹرویو دیتے ہوئے 57 سالہ مائیکل ایتھرٹن کا کہنا تھا کہ عمران خان 73 سال کی عمر میں اب 3 سال سے زیادہ عرصے سے جیل میں ہیں۔

جن سابق کرکٹرز نے اس خط پر دستخط کیے ہیں، ان میں سے بہت سے عمران کے خلاف کھیلے ہیں۔ انہیں ایک سابق کھلاڑی کے طور پر بہت عزت کی نگاہ سے دیکھا جاتا ہے، وہ پاکستان کے پیدا کردہ عظیم ترین کھلاڑیوں میں سے ایک ہیں۔

England's Former Captain, Mike Atherton, spoke out & raised his voice during live Pak vs Eng match, speaking out about Imran Khan’s health and the atrocities being committed against him.

This must be an embarrassment for the Pakistani regime, but shame is clearly beyond them. pic.twitter.com/Yvi16r3V9l
— Mubarak khan (@theageof804) August 27, 2026

یاد رہے کہ پاکستان تحریک انصاف کے بانی چیئرمین اور سابق وزیراعظم عمران خان گذشتہ تین برسوں سے جیل میں قید ہیں۔

(جاری ہے)

اس سے قبل دنیا کے کئی سابق معروف کرکٹرز بھی عمران خان کو مناسب طبی سہولیات فراہم کرنے کا مطالبہ کر چکے ہیں۔ ان میں مائیکل ایتھرٹن سمیت 21 سابق کرکٹرز شامل ہیں۔

واضح رہے کہ 73 برس کے عمران خان کو گذشتہ ہفتے سپریم کورٹ کے ایک فیصلے کے بعد علاج کے لیے عارضی طور پر سرکاری ہسپتال منتقل کیا گیا تھا، تاہم چند گھنٹوں بعد ہی انہیں دوبارہ اڈیالہ جیل راولپنڈی منتقل کردیا گیا۔

عمران خان کے خاندان کے علاوہ دنیائے کرکٹ کے کئی سابق معروف کرکٹرز بھی اُن کی قید اور صحت پر تشویش کا اظہار کر چکے ہیں۔

ان سابق کرکٹرز نے دو مشترکہ خطوط لکھے ہیں جن میں پاکستان کرکٹ ٹیم کے سابق کپتان عمران خان کو مناسب طبی سہولیات فراہم کرنے کا مطالبہ کیا گیا ہے۔

ان سابق کرکٹرز میں انگلینڈ کے چھ سابق کپتان، انڈیا کے سابق کپتان کپل دیو، آسٹریلیا کے ایڈم گِلکرسٹ اور گریگ چیپل بھی شامل ہیں۔

سابق کرکٹرز نے رواں ہفتے ایک اور خط بھی جاری کیا جس میں عمران خان کی صحت، خاص طور پر اُن کی دائیں آنکھ کا مکمل اور آزادانہ طبی معائنہ کرانے کا مطالبہ کیا گیا۔

عمران خان کے وکلا کا کہنا ہے کہ ’جیل کے حالات کی وجہ سے سابق وزیراعظم کی دائیں آنکھ کی 85 فیصد بینائی متاثر ہو چکی ہے۔‘