آئی سی سی نے یو اے ای کے کرکٹر آصف خان پر 15 ماہ کی پابندی عائد کردی

جمعرات 27 اگست 2026 22:50

لاہور(اُردو پوائنٹ اخبارتازہ ترین - آن لائن۔ 27 اگست2026ء) انٹرنیشنل کرکٹ کونسل (آئی سی سی) کی جانب سے متحدہ عرب امارات (یو اے ای)کے بیٹر آصف خان پر 15 ماہ کی پابندی عائد کردی۔انٹرنیشنل کرکٹ کونسل (آئی سی سی) کے مطابق آصف خان کا 8 ستمبر 2025 کو ڈوپ ٹیسٹ لیا گیا تھا جس میں ممنوعہ مواد کی موجودگی ظاہر ہوئی تھی۔

(جاری ہے)

یو اے ای کے 36 سالہ آصف خان نے آئی سی سی اینٹی ڈوپنگ کوڈ کے آرٹیکل 2.1 کی خلاف ورزی کا اعتراف کرتے ہوئے 15 ماہ کی پابندی قبول کرلی۔

آئی سی سی کے مطابق آصف خان پر 15 ماہ کی پابندی 8 ستمبر 2025 سے شمار ہوگی جو 7 دسمبر 2026 تک جاری رہے گی۔اینٹی ڈوپنگ قوانین کے تحت آصف خان کے 8 ستمبر 2025 سے 29 دسمبر 2025 تک کے انفرادی نتائج بھی منسوخ کردیے گئے ہیں، اس کے نتیجے میں اس عرصے کے دوران حاصل کیے گئے تمغے، پوائنٹس، انعامی رقم اور دیگر انعامات بھی واپس لیے جائیں گے۔