غزہ پٹی پر طویل سرنگ کو تباہ کردیا گیا ہے ، اسرائیلی فوج کا دعویٰ

پیر 16 اپریل 2018 16:30

مقبوضہ بیت المقدس(اُردو پوائنٹ اخبارتازہ ترین۔ 16 اپریل2018ء) اسرائیل کی فوج نے دعوی کیا ہے کہ انھوں نے ایک کارروائی کے دوران غزہ پٹی سے ان کے علاقے تک وسیع کی گئی ایک سرنگ تباہ کردی۔ اسرائیل کے وزیر دفاع ایوگڈور لائبرمین نے کہا کہ تباہ کی گئی سرنگ بہت طویل اور گہری تھی۔دوسری جانب اسرائیلی فوج کے ترجمان جوتھن کونریکس نے بتایا کہ غزہ پٹی سے داخل ہونے والی سرنگ ان کے علاقے میں کئی میڑ تک داخل ہو رہی تھی تاہم سرنگ کا خارجی راستہ نہیں تھا۔

خیال رہے کہ اسرائیل کا دعوی ہے کہ گزشتہ مہینے کے دوران 5ویں غزہ سرنگ سرنگ تباہ کی ہے۔اس حوالے سے واضح رہے کہ غزہ پٹی پر اسرائیلی فوجیوں کی جانب سے فلسطینی مظاہرین پر براہ راست کا سلسلہ 30 مارچ سے جاری ہے جبکہ یورپین یونین اور اقوام متحدہ کے چیف انتونیو گوترس نے غیر جانبدارنہ تحقیق کا مطالبہ کیا ہے۔

(جاری ہے)

سپریم کورٹ نے اسرائیلی وزیراعظم نیتن یاہو کی جانب سے اقوام متحدہ سے افریقی پناہ گزینوں کی ملک بدری معاہدہ کو بحال کرتے ہوئے زیر حراست 207 افریقی پناہ گزینوں کی رہائی کا حکم دیدیا۔

واضح رہے کہ اسرائیل میں تقریبا 42 ہزار افریقی پناہ گزین رہائش پذیر ہیں، اسرائیلی حکام نے 207 افریقی باشندوں کو ملک بدری سے انکار پر فروری میں حراست میں لے لیا تھا۔اسرائیل کی عدالت عظمی نے حکومت کو 10 اپریل تک کی مہلت دی تھی کہ وہ پناہ گزین کو دوسرے ممالک منتقل کرنے کے انتظامات کو حتمی شکل دے۔ تاہم حکومت کی جانب سے ناکامی پر سپریم کورٹ نے انتظامیہ کو پناہ گزینوں کی رہائی کا حکم دے دیا۔خیال رہے کہ 4 اپریل کو اسرائیلی وزیراعظم نیتن یاہو نے اقوام متحدہ کی پناہ گزین ایجنسی سے افریقی پناہ گزینوں کو جبری طور پر نہ نکالنے کے معاہدے کو چند گھنٹے بعد ہی ختم کردیا تھا۔۔