روس کی برآمدی گندم کے نرخوں میں اضافہ

منگل 17 اپریل 2018 12:44

ماسکو ۔ (اُردو پوائنٹ اخبارتازہ ترین۔ 17 اپریل2018ء) روس کی برآمدی گندم کے نرخ بڑھ گئے جس کی وجہ ڈالر کے مقابلے روبل کی قدر گرنا اور کسانوں کی جانب سے برآمدی مارکیٹ میںگندم کی ترسیل روک دینا ہے۔گزشتہ ہفتے امریکی ڈالر کے مقابلے روبل کی شرح تبادلہ میں چھے فیصد کمی آچکی ہے۔رشین ایگری کنسلٹنٹ فرم آکار کے مطابق روس کی بلیک سی برآمدی ساڑھے بارہ فیصد پروٹین کی حامل گندم کی اپریل اور مئی کی ابتداء کے لئے ترسیل کے سودے 212 ڈالر فی ٹن فری آب بورڈ(ایف او بی)طے پائے جو گزشتہ ہفتے کے نرخ کے مقابلے دو ڈالر فی ٹن زیادہ ہے۔

سووایکون کے مطابق روس کی گندم کے برآمدی نرخوں میں گزشتہ ہفتے کے مقابلے تین ٹن اضافہ ہوا،گندم 211 ڈالر فی ٹن ،جو 217 ڈالر فی ٹن اورمکئی کے نرخ 202 ڈالر فی ٹن ایف او بی طے پائے۔

(جاری ہے)

ایگر فرموں کے مطابق گزشتہ سال یکم جولائی سے لے کر رواں سال کے اپریل کی گیارہ تاریخ تک روس سے 40.8 ملین ٹن اجناس برآمد کیا جا چکا ہے جن میں 31.8 ٹن گندم شامل ہے جس کا برآمدی حجم گزشتہ مالی سال کے اس عرصہ کے مقابلے میں 39.4 فیصد زیادہ ہے۔

روسی ڈومیسٹک مارکیٹ میں تیسرے درجے کی گندم کے نرخ رواں ہفتے کے لئے 275 روبل بڑھ کر 9050 روبل(145 ڈالر) فی ٹن ہیں۔سورج مکھی کے بیجوں کی بھی قیمت میں گزشتہ ہفتہ کے مقابلے 150 روبل اضافہ ہوا ہے اس کی مارکیٹ پرائس 20.075 روبل فی ٹن جبکہ ایکسپورٹ سن فلاور آئل پرائس 750 ڈالر فی ٹن ریکارڈ کی گئی۔سائوتھرن رشیا سفید چینی کے نرخ 515.55 ڈالر فی ٹن گزشتہ ہفتے سے 17 ڈالر زیادہ رہے۔