پاکستان سٹاک ایکسچینج ،مسلسل تیسرے روز بھی تیزی کا رجحان، 100 انڈیکس ایک لاکھ 56 ہزار 310 پوائنٹس تک پہنچ گیا

بدھ 17 ستمبر 2025 17:03

اسلام آباد (اُردو پوائنٹ اخبارتازہ ترین - اے پی پی۔ 17 ستمبر2025ء) پاکستان سٹاک ایکسچینج میں بدھ کو مسلسل تیسرے روز بھی تیزی کا رجحان رہا اور کے ایس ای 100 انڈیکس 129.72 پوائنٹس کے اضافے کے بعد ایک لاکھ 56 ہزار 310 پوائنٹس تک پہنچ گیا۔ دوپہر پونے ایک بجے تک 958757294 حصص کا کاروبار ہوا جن کی مالیت 28.62 ارب ڈالر ریکارڈ کیا گیا ۔

(جاری ہے)

فیوچر ٹریڈنگ کے تحت 8.14 ارب روپے کے سودے طے پائے ۔ کے ایس ای 30 انڈیکس میں 0.45 پوائنٹس کی کمی ریکارڈ کی گئی اور انڈیکس 47713.94 پوائنٹس تک پہنچ گیا۔ اسلامی مالیات کا حامل کے ایم آئی 30 انڈیکس 402.48 پوائنٹس کے اضافے کے بعد 230124 پوائنٹس تک پہنچ گیا۔ گزشتہ روز ورلڈ کال ٹیلی کام ، بینک آف پنجاب اور پیس پاکستان لمیٹڈ سرفہرست ایڈوانسر کمپنیاں رہیں۔