ایک سال میں بینکوں کے ڈپازٹس 3685 ارب روپے بڑھے گئے

اگست میں بینکوں کا ڈپازٹس انوسٹمنٹ تناسب 105.30 فیصد رہا

بدھ 17 ستمبر 2025 20:33

ایک سال میں بینکوں کے ڈپازٹس 3685 ارب روپے بڑھے گئے

کراچی(اُردو پوائنٹ اخبارتازہ ترین - این این آئی۔ 17 ستمبر2025ء)اسٹیٹ بینک پاکستان نے گزشتہ ماہ بینکوں کے ڈپازٹس کے حوالے سے رپورٹ جاری کردی۔اسٹیٹ بینک کے جاری کردہ اعدادو شمار کے مطابق بینکوں کے ڈپازٹس اگست میں 183 ارب بڑھ کر34463 ارب روپے ہوگئے جس کے بعد ایک سال میں بینکوں کے ڈپازٹس 3685 ارب روپے تک بڑھ گئے ہیں،اگست کے مہینے میں بینکوں کے ایڈوانسز 72 ارب روپے کم ہوکر12289 ارب روپے ہوگئے ، بینکوں کے ایڈوانسز ایک سال میں 1350 ارب روپے سے بڑھ گئے۔

(جاری ہے)

اسٹیٹ بینک کے مطابق بینکوں کی سرمایہ کاری اگست میں 112 ارب روپے بڑھ کر36303 ارب روپے ہوگئی، بینکوں کی سرمایہ کاری ایک سال میں17 فیصد اضافے سی5270 ارب روپے بڑھی۔مرکزی بینک نے بتایا کہ اگست میں بینکوں کا ڈپازٹ انوسٹمنٹ تناسب 105.30 فیصد رہا اور اگست میں بینکوں کا ڈپازٹس ایڈوانس تناسب35.7 فیصد رہا۔