لاہور ہائیکورٹ ، ماحولیاتی آلودگی کے خلاف درخواست پر ماحولیاتی کمیشن کے سربراہ ڈاکٹر پرویز حسن سے 27مئی کو رپورٹ طلب

منگل 17 اپریل 2018 19:43

لاہور (اُردو پوائنٹ اخبارتازہ ترین - آن لائن۔ 17 اپریل2018ء) لاہور ہائیکورٹ کی جسٹس عائشہ اے ملک نے ماحولیاتی آلودگی کے خلاف درخواست پر ماحولیاتی کمیشن کے سربراہ ڈاکٹر پرویز حسن سے 27مئی کو رپورٹ طلب کر لی۔

(جاری ہے)

درخواست گزار نے عدالت کو بتایا کہ حکومت اور انتظامیہ کی غفلت اور لاپرواہی کے باعث لاہور دنیا کے آلودہ ترین شہروں میں شامل ہو چکا ہے،انہوں نے کہا کہ قوانین پر عمل درآمد نہ ہونے اور غیر موثر قوانین ماحولیاتی آلودگی کا باعث بن رہے ہیں، ماحولیاتی الودگی کے باعث شہری بیماریوں میں مبتلا ہو رہے ہیں،انہوں نے کہا کہ عدالت عالیہ پہلے ہی پنجاب حکومت کو ماحولیاتی آلودگی کا زمہ دارٹھرا چکی ہے، عدالت نے ماحولیاتی کمیشن قائم کر کے محکمہ ماحولیات کو سفارشات پر عمل درآمد کا حکم دیا تھا جس پر عمل درآمد ہی شروع نہیں ہو سکا، انہوں نے استدعا کی کہ عدالت ماحولیاتی کمیشن کی سفارشات کی روشنی میں محکمہ ماحولیات کو اقدامات کرنے کا حکم دے،جس پر عدالت نے ماحولیاتی کمیشن کے سربراہ ڈاکٹر پرویز حسن سے 27مئی کو رپورٹ طلب کر لی۔