Live Updates

فیصل کریم کنڈی ایک ہفتہ کے نجی دورہ پر عمرہ کی ادائیگی کیلئے سعودی عرب پہنچ گئے

بدھ 17 ستمبر 2025 20:05

مدینہ منورہ(اُردو پوائنٹ اخبارتازہ ترین - این این آئی۔ 17 ستمبر2025ء)گورنر خیبرپختونخوا فیصل کریم کنڈی ایک ہفتہ کے نجی دورہ پر عمرہ کی ادائیگی کے لیئے سعودی عرب پہنچ گئے ، مدینہ ائیرپورٹ پر سعودی رائل پروٹوکول نے محمد ابرہیم حربی نے انکا استقبال کیا ، ملٹری سیکریٹری لیفٹیننٹ کرنل فیصل عارف ، پرسنل سٹاف آفیسر تنویر حسین ملک ، اسلام آباد کی معروف کاروباری شخصیت شہباز ظہیر بھی ان کے ہمراہ ہیں ،انہوں نے مسجد نبوی میں خاتم النبیین کے حضور امام مسجد نبوی کے ہمراہ قدمین کی جانب سے نوافل ادا کئے، سلام عرض کیا اور ملک کی ترقی استحکام ، خصوصا متاثرین سیلاب اور قیام امن کے حوالہ سے دعائیں کیں ، گورنر خیبرپختونخوا پرسوں مکہ مکرمہ روانہ ہونگے عمرہ کی ادائیگی کے علاؤہ وہ وہاں متعدد اہم شخصیات کے ساتھ ساتھ متاثرین سیلاب کی مدد کے لیئے سعودی این جی اووز کے زمہ داران سے بھی ملاقاتیں کرینگے۔