چوہدری نثار علی خان راولپنڈی کی سیاست میں لازم و ملزوم ہیں، چوہدری مامون

منگل 17 اپریل 2018 21:27

راولپنڈی17اپریل(اُردو پوائنٹ اخبارتازہ ترین - اے پی پی۔ 17 اپریل2018ء) پاکستان مسلم لیگ (ن)کے رہنما چوہدری محمد مامون انور نے کہا ہے کہ چوہدری نثار علی خان راولپنڈی کی سیاست میں لازم و ملزوم ہیں جو لوگ اس خوش فہمی میں ہیں کہ چوہدری نثار پارٹی چھوڑیں گے ان کی یہ خواہش کبھی پوری نہیں ہو گی، چوہدری نثارعلی خان مسلم لیگ (ن) میں ہیں اورآئندہ بھی مسلم لیگ (ن) میں ہی رہیں گے۔

ان خیالات کا اظہار انہوں نے رینج روڈ پر اپنے آفس میں کارکنان کے ایک وفدسے گفتگو کرتے ہوئے کیا۔

(جاری ہے)

انہوں نے کہا کہ آئندہ الیکشن کیلئے کارکن یکجا ہو کر چوہدری نثار علی خان اور چوہدری تنویر کی سربراہی میں مکمل جوش و خروش سے لڑیں گے اور قیادت کے ساتھ مل کر کامیابی یقینی بنائیں گے، مسلم لیگ (ن) اس بار بھی پہلے کی طرح اپنی کارکردگی کی بنیاد پر الیکشن میں حصہ لے گی اور ہم اپنی قیادت کے ساتھ مل کر مفاد پرست ٹولوں کا مکمل صفایا کر دیں گے، عوام باشعور ہوچکے ہیں اور مسلم لیگ ن کو ہی بھاری اکثریت سے کامیاب کرینگے کیونکہ عوام جانتے ہیں کہ ملک اسی صورت ترقی کرئے گا جب مسلم لیگ ن برسراقتدارآئیگی۔

Facebook Twitter Google + Share on Whatsapp

چوہدری نثار علی خان راولپنڈی کی سیاست میں لازم و ملزوم ہیں، چوہدری مامون

متعلقہ عنوان :

مزید اہم خبریں