چیئرپرسن ریلوے پروین آغامدت ملازمت پوری ہونے پر کل ریٹائر ہو جائیں گی

منگل 17 اپریل 2018 23:11

اسلام آباد ۔ (اُردو پوائنٹ اخبارتازہ ترین - اے پی پی۔ 17 اپریل2018ء) چیئرپرسن ریلوے پروین آغامدت ملازمت پوری ہونے پر (کل) بدھ کو ریٹائر ہو جائیں گی، پروین آغا ریلوے میں مختلف عہدوں پر تعینات رہیں اور اکتوبر 2014میں ریلوے کی چیئرپرسن مقرر ہوئیں،وزیر ریلوے خواجہ سعد رفیق اور پاکستان ریلویز کے دیگر اعلیٰ حکام کی طرف سے ریٹائرمنٹ پر چیئرپرسن ریلوے پروین آغا کیلئے نیک خواہشات کا اظہار کیا ہے۔

(جاری ہے)

پروین آغا نے 1981ء میں سول سروس میں شمولیت کے بعد مختلف شعبوں میں اپنی خدمات سرانجام دیں، 2014ء میں بطور چیئرپرسن پاکستان ریلوے تعیناتی کے بعد پروین آغا نے ریلوے کی بحالی اور اسے جدید خطوط پر استوار کرنے کے لئے اہم کردار ادا کیا اور مسافروں کی سہولت کے لئے متعدد اقدامات اٹھائے۔ وزیر ریلوے خواجہ سعد رفیق نے وفاقی سیکرٹری اور چیئرپرسن ریلوے پروین آغا کی ریٹائرمنٹ پر انکی محکمے کیلئے خدمات کو سراہتے ہوئے کہا ہے کہ انہوں نے پاکستان ریلوے کو بہتر بنانے کے لئے اہم کردار ادا کیا۔