بھرتیوں اور ترقیاتی سکیموں پر پابندی الیکشن شیڈول جاری ہونے کے بعد عائد ہونی چاہیے، قومی اسمبلی میں قائد حزب اختلاف سید خورشید احمدشاہ کا الیکشن کمیشن کو خط

بدھ 18 اپریل 2018 13:57

اسلام آباد ۔ (اُردو پوائنٹ اخبارتازہ ترین - اے پی پی۔ 18 اپریل2018ء) قائد حزب اختلاف سید خورشید احمدشاہ نے الیکشن کمیشن کو ایک خط کے ذریعے کہا ہے کہ الیکشن کمیشن کی جانب سے بھرتیوں اور ترقیاتی سکیموں پر پابندی قبل از وقت ہے۔

(جاری ہے)

بدھ کو قائد حزب اختلاف کی جانب سے لکھے گئے خط میں کہا گیا ہے کہ الیکشن کمیشن کی جانب سے ہدایات قابل ستائش اور قبل ازوقت ہیں۔ یہ پابندیاں الیکشن شیڈول جاری ہونے کے بعد عائد ہونی چاہئیں۔ اس وقت پابندی لگی تو حکومتی نظام مکمل طور پررک جائے گا ۔ الیکشن کمیشن کو چاہیے کہ وہ پابندیوں پر غورکرے اور حکومتی نظام درست طریقے سے چلانے کے لئے الیکشن شیڈول جاری ہونے تک پابندی نہ لگائی جائیں۔