بلدیہ مظفرآباد کا سالڈ ویسٹ پراجیکٹ سیاسی بندربانٹ کا نشانہ بنایاجارہا ہے،پراجیکٹ کیلئے بلدیہ کو10کنال اراضی درکا ہے

‘ضامن آباد میں بلدیہ کی اپنی60کنال اراضی موجود ہے،محض سیاسی رشوت اور اقرباء پروری کیلئے مزید ایوارڈ کرنا آزادحکومت کی گڈگورننس اور شفافیت پر سوالیہ نشان ہے مرکزی رہنما مسلم کانفرنس وسابق امیدواراسمبلی حلقہ 4کھاوڑہ راجہ ثاقب مجید کی بات چیت

بدھ 18 اپریل 2018 18:15

مظفرآباد(اُردو پوائنٹ اخبارتازہ ترین - آئی این پی۔ 18 اپریل2018ء) مرکزی رہنما مسلم کانفرنس وسابق امیدواراسمبلی حلقہ 4کھاوڑہ راجہ ثاقب مجید نے کہا ہے کہ بلدیہ مظفرآباد کا سالڈ ویسٹ پراجیکٹ سیاسی بندربانٹ کا نشانہ بنایاجارہا ہے،پراجیکٹ کیلئے بلدیہ کو10کنال اراضی درکا ہے جبکہ ضامن آباد میں بلدیہ کی اپنی60کنال اراضی موجود ہے،محض سیاسی رشوت اور اقرباء پروری کیلئے مزید ایوارڈ کرنا آزادحکومت کی گڈگورننس اور شفافیت پر سوالیہ نشان ہے،ان خیالات کا اظہارسابق امیدواراسمبلی راجہ ثاقب مجید نے صحافیوں سے خصوصی گفتگوکرتے ہوئے کیا انہوں نے کہا کہ بلدیہ نی15سال قبل ضامن آباد میں دریا کنارے 60کنال راضی سالٹ ویسٹ پراجیکٹ کیلئے خریدی اور 30فٹ گولہ روڈ بھی تعمیر کی اور اس تمام رقبہ کا معاوضہ بھی حکومت آزادکشمیر نے ادا کردیا ہے،اب محض سیاسی بنیادوں پر اپنے خاص لوگوں کو نوازنے کیلئے مزید رقبہ ایوارڈکیاجارہا ہے جس سے آزادحکومت کو کروڑوں روپے کانقصان ہوگا ۔

(جاری ہے)

انہوں نے کہا کہ قومی خزانے کو شیرمادر کی طرح لوٹنے کی اجازت کسی کو نہیں دیں گے جبکہ محکمہ کے پاس60کنال راضی سے زائد موجود ہے تو مزید رقبہ کیوں ایوارڈکیا جارہا ہے اس سلسلہ میں 60کنال ہمواراراضی کی موجودگی کے باوجود کھڑے پہاڑوں کو ملی بھگت سے ایوارڈ کیاجارہا ہے جس میں نہ صرف کٹائی کی مد میں کروڑوں روپے لاگت آئے گی بلکہ ساتھ ہی قومی خزانے کا بھی بھاری نقصان ہوگاایسا کرنے والے ہوش کے ناخن لیں عوام کے ٹیکس کے پیسوںکو سیاسی رشوت کے طور پر کسی صورت استعمال نہیں ہونے دیں گے۔ چیف سیکرٹری آزادکشمیر اور اعلیٰ حکام فی الفور نوٹس لیں اگر یہ سلسلہ بند نہ کیا گیا تو سخت احتجاج پر مجبور ہونگے۔