ٹرمپ سے تعلق ،خاتون اداکارہ نے دھمکیاں دینے والے شخص کا تصویری خاکہ جاری کر دیا

دھمکی میںتعلقات پر زبان نہ کھولنے کی ہدایت،مذکورہ شخص بارے بتانے والے کو ایک لاکھ ڈالر بطور انعام دیا جائیگا

بدھ 18 اپریل 2018 18:32

واشنگٹن(اُردو پوائنٹ اخبارتازہ ترین - آئی این پی۔ 18 اپریل2018ء) امریکی فحش فلموں کی خاتون اداکارہ اسٹورمی ڈینئلز نے دھمکیاں دینے والے شخص کا تصویری خاکہ جاری کر دیا، مذکورہ شخص نے دھمکی دیتے ہوئے کہا کہ میں ٹرمپ کے ساتھ اپنے تعلقات کے حوالے سے زبان نہ کھولے،مذکورہ شخص بارے معلومات فراہم کرنے والے کو ایک لاکھ ڈالر پیش کیے جائیں گے۔ غیر ملکی میڈیا کے مطابق امریکا میں فحش فلموں کی خاتون اداکارہ اسٹورمی ڈینئلز نے ایک شخص کا تصویری خاکہ جاری کیا ہے اور دعوی کیا ہے کہ یہ وہ شخص ہے جس نے لاس ویگاس میں اسٹورمی کو دھمکی دی تھی کہ وہ امریکی صدر ڈونلڈ ٹرمپ کے ساتھ اپنے تعلقات کے حوالے سے خاموشی اختیار کرے۔

اسٹورمی نے اس خاکے کا انکشاف امریکی نیوز چینل ABC پر نشر ہونے والے ایک پروگرام کے دوران کیا۔

(جاری ہے)

اسٹورمی کے مطابق مذکورہ شخص کی جانب سے 2011 میں دھمکی دی گئی تھی تا کہ وہ 2006 میں ٹرمپ کے ساتھ اپنے تعلقات کے حوالے سے زبان نہ کھولے۔اسٹورمی ڈینئلز جس کا اصل نام اسٹیفنی کلیفرڈ ہے کا کہنا ہے کہ اٴْس وقت حکام کو دھمکی سے آگاہ نہیں کیا گیا کیوں کہ وہ ڈری ہوئی تھی۔

اسٹورمی کے مطابق "میں نہیں چاہتی تھی کہ میرے خاندان کے سامنے اس کا انکشاف ہو اور میرے سر پر آسمان ٹوٹ پڑی"۔اسٹورمی کا کہنا ہے کہ اس نے 2006 میں ایک مرتبہ ٹرمپ کے ساتھ تعلق قائم کیا تھا۔ ٹرمپ کے ذاتی وکیل مائیکل کوہین نے اسٹورمی کو زبان بند رکھنے کے لیے 2016 کے انتخابات سے قبل 1.3 لاکھ ڈالر ادا کیے تھے۔اسٹورمی کی وکیل کا کہنا ہے کہ تصویری خاکے میں جس شخص کو دکھایا گیا ہے اس کی شناخت کے بارے میں معلومات فراہم کرنے والے کو ایک لاکھ ڈالر پیش کیے جائیں گے۔