جاپانی سیکرٹری خزانہ جن اِچی فوکودا خواتین صحافیوں سے نازیبا کلمات ادا کرنے کی اطلاعات پر مستعفی ہوگئے

جمعرات اپریل 12:43

ٹوکیو۔ (اُردو پوائنٹ اخبارتازہ ترین۔ 19 اپریل2018ء) جاپان کے سیکرٹری خزانہ جن اِچی فوکودا خواتین صحافیوں سے نازیبا کلمات ادا کرنے کی اطلاعات پر مستعفی ہوگئے۔

(جاری ہے)

جاپان کے نشریاتی ادارے کے مطابق وزیرِ خزانہ تارو آسو نے ٹوکیو میںمیڈیا سے گفتگو کرتے ہوئے بتایا کہ ان کے نائب جٴْن اِچی فٴْوکودا نے کہا ہے کہ ان کے لیے فرائض منصبی کی ادائیگی ناممکن ہو گئی تھی جس کی وجہ سے انھوں نے اپنا عہدہ چھوڑنے کا فیصلہ کیا ہے۔وزیر خزانہ آسو نے بتایا کہ انہوں نے جناب فٴْوکودا کا استعفیٰ منظور کر لیا گیاہے۔واضح رہے کہ ایک ہفتہ وار جریدے نے گزشتہ ہفتے خبر چھاپی تھی کہ اچی فٴْوکودا نے شراب نوشی کے دوران خواتین صحافیوں سے ایسے کلمات کہے تھے جو جنسی طور پر نازیبا تھے۔