کرس گیل کا دلچسپ ڈانس سوشل میڈیا پر مقبول، معروف رقاصہ اور گلوکارہ کی بھی داد

منگل 24 اپریل 2018 17:50

ممبئی(اُردو پوائنٹ اخبارتازہ ترین - آئی این پی۔ 24 اپریل2018ء) بگ باس کے گزشتہ سیزن میں حصہ لینے والی ہریانہ سے تعلق رکھنے والی رقاصہ اور گلوکارہ سپنا چوہدری ان دنوں خاصی شہرت کو چھو رہی ہیں۔ ان کا گانا تیری اکھیا کا یو کاجل کو مداحوں کی جانب سے بے حد پذیرائی مل رہی ہے۔ یہ گانا چند دنوں میں ہی سپرہِٹ بن گیا۔

(جاری ہے)

اس گانے کی مشہوری کا اندازہ آپ اس بات سے لگا سکتے ہیں کہ بے شمار افراد کی جانب سے اس گانے پر رقص کرتے ہوئے نقل کرنے کی کوشش کی گئی، حد تو یہ ہے کہ ویسٹ انڈیز سے تعلق رکھنے والے جارح مزاج بلے باز کرس گیل بھی خود کو نہ روک سکے۔

سپنا چوہدری نے کرس گیل کی ویڈیو انسٹاگرام پر اپلوڈ کرتے ہوئے لکھا کہ دیکھیں مجھے انٹرنیٹ پر کیا ملا، کرس گیل آپ واقعی ایک بہت اچھے ڈانسر ہیں۔ویڈیو نے اب تک کئی ویوز حاصل کرنے کے ساتھ ساتھ تقریبا 50 ہزار لائکس بھی بٹور لئے ہیں۔ کرس گیل ایک مزاح سے بھرپور مزاج کے مالک ہیں اور انہیں جہاں موقع ملتا ہے وہیں رقص کرنا شروع کردیتے ہیں۔