پشاور زلمی کے کپتان ڈیرن سیمی کی پاکستان آمد کا اعلان

منگل 24 اپریل 2018 18:19

پشاور (اُردو پوائنٹ اخبارتازہ ترین - این این آئی۔ 24 اپریل2018ء) پاکستان سپر لیگ (پی ایس ایل) کی فرنچائز پشاور زلمی کے ہر دلعزیز کپتان ڈیرن سیمی جلد ہی پاکستان آئیں گے ۔پشاور زلمی کے مالک جاوید آفریدی نے ٹوئٹر پر اپنے پیغام میں مداحوں کو آگاہ کیا کہ ڈیرن سیمی جلد پاکستان آرہے ہیں ،ْجہاں وہ سالانہ زلمی ایکسیلینس ایوارڈز تقریب میں شرکت کریں گے۔

(جاری ہے)

جاوید آفریدی نے لکھا کہ فرنچائز کرکٹ میں بہت کم کپتان ہیں، جنہیں ڈیرن سیمی جتنا پیار اور محبت ملتی ہے۔ سالانہ زلمی ایکسیلینس ایوارڈز کی تقریب اسلام آباد میں رواں ماہ 30 تاریخ کو منعقد کی جائے گی۔اضح رہے کہ ڈیرن سیمی کو کراچی کی بریانی سے لے کر پاکستان کی ثقافت کا ہر رنگ متاثر کرتا ہے جس کا اظہار وہ اکثر ٹوئٹر پر کرتے رہتے ہیں۔