لاہورآرٹس کونسل الحمراء کے زیر اہتمام گوشئہ گیان کی چھٹی نشست کی تقریب کا انعقاد

جمعرات 26 اپریل 2018 20:47

لاہور۔26 اپریل(اُردو پوائنٹ اخبارتازہ ترین - اے پی پی۔ 26 اپریل2018ء) لاہورآرٹس کونسل الحمراء کے زیر اہتمام گوشئہ گیان کی چھٹی نشست کی تقریب منعقد ہو ئی ، اس موقع پر ایگزیکٹوڈائریکٹر لاہورآرٹس کونسل الحمراء کیپٹن(ر)عطاء محمد خان نے الحمراء آرٹس کونسل کے نئے تعینات ہونے والے بورڈ آف گورنر کے چیئرمین توقیر ناصر کو مبارک باد دی ،انھوں نے کہا کہ بطور قوم آگے بڑھنے کا راز آرٹسٹ کی عزت میں پنہاں ہے ،یہ ایک حقیقت ہے کہ الحمراء میں آرٹسٹ کو بہت عزت دی جاتی ہے، انھوں نے گوشئہ گیان کی چھٹی نشست کے مہما ن سید نورکی پاکستانی فلم انڈسٹری کیلئے فنی خدمات کو سراہا، چیئرمین الحمراء توقیر ناصر نے اظہار خیال کرتے ہوئے کہا کہ یہاں بے شمار آرٹسٹ کو دیکھ کر خوشی ہے،ایگزیکٹوڈائریکٹر لاہورآرٹس کونسل الحمراء کیپٹن(ر)عطاء محمد خان کے ساتھ مل کر کام کریں گے ،جتنا کام یہ کرچکے ہیں وہ قابل ستائش ہے ،انھوں نے کہا کہ ہم آرٹسٹوں کیلئے الحمراء آرٹس کونسل میں ریڈ کارپٹ بچھا دیں گے،تقریب میں ڈپٹی ڈائریکٹر ایڈمن آفتاب احمد انصاری، نامور فلم ڈائریکٹر حسن عسکری سمیت عوام کی بڑی تعداد نے شرکت کی۔