قوم پر عیاں ہوگیا نواز شریف کے خلاف فیصلے بغض ، حسداور انتقام پر مبنی ہیں،چوہدری شیر علی

اتوار 29 اپریل 2018 19:20

فیصل آباد(اُردو پوائنٹ اخبارتازہ ترین - آن لائن۔ 29 اپریل2018ء) پاکستانمسلم لیگ ن کے مرکزی رہنماسابق میئرو ممبر قومی اسمبلی چوہدری شیر علی نے کہا ہے کہ قوم پر عیاں ہوگیا ہے کہ میاں نواز شریف کے خلاف فیصلے بغض ، حسداور انتقام پر مبنی ہیں اوپر سے آرڈر لینے والوں کو سیاستدان کہنا سیاستدانوں کی توہین ہے انہوںنے کہا کہ زداری کو بڑی بیماری کہنے والے کے ساتھی اسی زرداری کے ہاتھوں بک گئے چوہدری شیر علی نے کہا کہ وہ عناصر جو میاں محمد نواز شریف کوسیاست میںحصہ لینے سے روکنا چاہتے ہیں وہ سن لیں کہ میاں نواز شریف ملک کے مقبول ترین لیڈر ہیں کوئی کچھ بھی کر لے انہیں عوام کے دلوں سے نہیں نکال سکتاقوم مسلم لیگ ن کے قائد میاں نواز شریف کی قیادت میںمعاشرے کے ناسوروںکو بے نقاب کریگی اور مسلم لیگ ن آئندہ انتخاب میں انشاء اللہ پہلے سے زیادہ قوت سے اقتدار میں آئیگی انہوں نے کہا کہ عمران خان جس رعونت کے ساتھ اقتدار میں آنیکا اعادہ کر رہاہے لگتاہے وہ اس خوش فہمی میں اپنے حواس کھو چکاہے