پاک بحریہ کے دو کموڈورز کی ریئر ایڈمرل کے عہدے پر ترقی

مرزا فواد امین بیگ نے برطانیہ کے رائل نیول کالج ڈا رٹ مائوتھ سے ابتدائی تربیت مکمل کرنے کے بعد 1990 میں پاک بحریہ کی آپریشنز برانچ میں کمیشن حاصل کیا

پیر 30 اپریل 2018 20:22

اسلام آباد (اُردو پوائنٹ اخبارتازہ ترین - آن لائن۔ 30 اپریل2018ء) پاک بحریہ کے کموڈورمرزا فوادامین بیگ اور کموڈورمیاں ذاکراللہ جان کو ریئر ایڈمرل کے عہدے پر ترقی دے دی گئی۔ ریئر ایڈمرل مرزا فواد امین بیگ نے برطانیہ کے رائل نیول کالج ڈا رٹ مائوتھ سے ابتدائی تربیت مکمل کرنے کے بعد 1990 میں پاک بحریہ کی آپریشنز برانچ میں کمیشن حاصل کیا۔آپ پاکستان نیوی وار کالج، لاہور اور نیشنل ڈیفنس یونیورسٹی اسلام آباد کے گریجویٹ ہیں اور ملائشیا سے آرمڈ فورسز اسٹاف کورس بھی کر چکے ہیں۔

آپ کی مختلف کمانڈ اینڈ اسٹاف تقرریوں میںکمانڈر 18 ڈسٹرائر اسکواڈرن، پاک بحریہ کے جہاز پی این ایس ذوالفقارکی کمانڈ، کمانڈنٹ پاکستان نیوی اکیڈمی ،چیف آف دی نیول اسٹاف کے پرنسپل سیکرٹری،ڈائریکٹر نیول آپریشنز او راسسٹنٹ چیف آف نیول اسٹاف (آپریشنز)کی تقرریاں شامل ہیں۔

(جاری ہے)

آپ چین(بیجنگ) میں پاکستان کے نیول اتاشی کی ذمہ داریاں بھی انجام دے چکے ہیں۔

ریئر ایڈمرل کے عہدے پر ترقی کے بعد آپ کو فلیگ آفیسر سی ٹریننگ تعینات کیا گیا ہے۔ آپ کی غیر معمولی پیشہ ورانہ خدمات کے اعتراف میں آپ کو ستارہ امتیاز(ملٹری) سے نوازا گیاہے۔ریئر ایڈمرل میاں ذاکراللہ جان نی1990 میں پاک بحریہ کی آپریشنز برانچ میں کمیشن حاصل کیا۔آپ پاکستان نیوی وار کالج، لاہور اور نیشنل ڈیفنس یونیورسٹی اسلام آباد کے گریجویٹ ہیں اور امریکہ سے انٹرنیشنل فیلوشپ پروگرام بھی مکمل کر چکے ہیں۔

آپ کی مختلف کمانڈ اینڈ اسٹاف تقرریوں میںکمانڈنگ آفیسر27 اسکواڈرن، کمانڈر پاکستان فلیٹ کے چیف اسٹاف آفیسر،ڈائریکٹر نیول ایوی ایشن، ہیڈ آف پی تھری سی مشن یو ایس اے ،ہیڈکوارٹرز نیوسینٹ بحرین میں اسٹاف آفیسر (ایوی ایشن) اورنیشنل ڈیفنس یونیورسٹی اسلام آبادکے نیشنل سکیورٹی کالج میں ڈائریکٹنگ اسٹاف کی تقرریاں شامل ہیں۔ریئر ایڈمرل کے عہدے پر ترقی کے بعد آپ کو ڈپٹی چیف آف نیول اسٹاف (ایڈمن)کی ذمہ داریاں تفویض کی گئیں ہیں۔ آپ کی غیر معمولی پیشہ ورانہ خدمات کے اعتراف میں آپ کو ستارہ امتیاز سے نوازا گیاہے۔