عراق میں دہشت گردٹولے کی نہتے شہریوں پرفائرنگ سے 20افرادہلاک

دہشت گرد ٹولی پر قابو پا لیا،ابھی تک ہلاک ہونے والے افراد کی تعداد واضح نہیں ،عراقی فوج کا اعلان

بدھ 2 مئی 2018 15:37

بغداد(اُردو پوائنٹ اخبارتازہ ترین - این این آئی۔ 02 مئی2018ء) دارالحکومت بغداد سے 25 کلو میٹر شمال میں واقع قصبے طارمیہ میں شدت پسندوں نے نہتّے عراقی شہریوں پر فائرنگ کر دی۔ پیش آنے والے اس واقعے میں 20افراد ہلاک اور 37 زخمی ہو گئے۔غیرملکی خبررساں ادارے کے مطابق عراقی فوج نے گزشتہ روز جار ی کیے گئے اپنے ایک بیان میں کہاکہ سکیورٹی فورسز نے مذکورہ دہشت گرد ٹولی پر قابو پا لیا۔

(جاری ہے)

ابھی تک ہلاک ہونے والے افراد کی تعداد واضح نہیں ہے۔ میڈیا رپورٹوں کے مطابق مرنے والوں کی تعداد20 کے درمیان ہے۔ ایک عینی شاہد نے برطانوی خبر رساں ایجنسی کو بتایا کہ واقعے میں20 افراد ہلاک اور37 زخمی ہوئے۔عراقی حکومت نے دسمبر 2017ء میں داعش تنظیم کے خلاف فتح کا اعلان کیا تھا جس نے 2014ء میں ملک کے تقریبا ایک تہائی حصّے پر قبضہ کر لیا تھا۔تاہم تنظیم کی جانب سے بغداد اور عراق کے دیگر علاقوں میں حملوں اور دھماکوں کا سلسلہ جاری ہے۔