پاکستان کرکٹ بورڈ کا پاکستان سپر لیگ کے پہلے اور دوسرے ایڈیشن کے خصوصی آڈٹ کرانے پر آمادگی کا اظہار،پبلک اکاونٹس کمیٹی کو خط لکھ دیا

جمعرات 3 مئی 2018 19:06

اسلام آباد(اُردو پوائنٹ اخبارتازہ ترین - این این آئی۔ 03 مئی2018ء) پاکستان کرکٹ بورڈ نے پاکستان سپر لیگ کے پہلے اور دوسرے ایڈیشن کے خصوصی آڈٹ کرانے پر آمادگی ظاہر کرتے ہوئے پبلک اکاونٹس کمیٹی کو خط لکھ دیا ہے، پی اے سی کو لکھے گئے خط میں پی ایس ایل کا آڈٹ کرانے کو تیار ہیں۔

(جاری ہے)

پی سی بی کی جانب سے پبلک اکاونٹس کمیٹی کو لکھے گئے خط میں پاکستان کرکٹ بورڈ کے حکام نے موقف اختیار کیا ہے کہ پی سی بی نے کبھی پی ایس ایل کے آڈٹ سے انکار نہیں کیاتھا تاہم پی سی بی نے 29 مارچ کے خط میں صرف تاریخ کی تبدیلی کی درخواست کی تھی، خط میں کہا گیا ہے کہ آڈیٹر جنرل آف پاکستان چاہیں تو فوری طور پر پی ایس ایل کا آڈٹ شروع کر سکتے ہیں اور آڈٹ ٹیم فوری چیئرمین پاکستان کرکٹ بورڈ نجم سیٹھی سے ملاقات کر سکتی ہے۔

خط میں بتایا گیا کہ چیئرمین پی سی بی 7 مئی سے غیر ملکی دورہ کریں گے۔