فلسطینی صدرمحمود عباس پی ایل او کی ایگزیکٹو کمیٹی کے دوبارہ سربراہ منتخب

ایگزیکٹو کمیٹی کے نئے چناؤ کے بعد سیاسی میدان میں کام مزید آسان ہوجائے گا،معاون فلسطینی صدر

جمعہ 4 مئی 2018 12:58

مقبوضہ بیت المقدس(اُردو پوائنٹ اخبارتازہ ترین - این این آئی۔ 04 مئی2018ء) فلسطینی صدر محمود عباس کو تنظیم آزادی فلسطین [پی ایل او] کی ایگزیکٹو کمیٹی کا دوبارہ صدر منتخب کرلیا گیا ہے۔عرب ٹی وی کے مطابق رام اللہ میں جاری رہنے والے فلسطین نیشنل کونسل کے چار روزہ اجلاس کے آخر میں پی ایل او کے نئے عہدیداروں کا انتخاب عمل میں لایا گیا۔

(جاری ہے)

کونسل نے نئی ایگزیکٹو کمیٹی کے ارکان کا چناؤ کیا۔

یہ کمیٹی پی ایل او کی سب سے با اختیار ادارہ سمجھی جاتی ہے۔ایگزیکٹو کمیٹی کے 115 ارکان نے محمود عباس کو حماس کے ساتھ جاری کشیدگی ختم کرنے کی ذمہ داری بھی سونپی۔اس موقع پر بات کرتے ہوئے فلسطینی صدر کے معاون احمد مجدلانی نے کہا کہ ایگزیکٹو کمیٹی کے نئے چناؤ کے بعد سیاسی میدان میں کام مزید آسان ہوجائے گا اور خلاء پر کرنے میں مدد ملے گی۔