بھارت نے روسی تیل کی خریداری نہ روکی تو ٹیرف جاری رہیں گے، ٹرمپ

پیر 20 اکتوبر 2025 12:41

واشنگٹن (اُردو پوائنٹ اخبارتازہ ترین - این این آئی۔ 20 اکتوبر2025ء) امریکی صدر ڈونلڈ ٹرمپ نیاعلان کیا ہے کہ بھارت نے روسی تیل کی خریداری نہ روکی تو اس پر بھاری ٹیرف جاری رہیں گے۔صدر ٹرمپ کا کہنا تھا کہ نریندر مودی نے کہا تھا وہ روسی تیل نہیں خریدیں گے، بھارت کو روسی تیل پر فیصلہ کرنا ہوگا، ورنہ اس پر معاشی دبا ئوبڑھے گا۔

(جاری ہے)

انہوں نے کہا کہ چین کے ٹیرف کم کر سکتے ہیں، مگر اسے ہمارے لیے کچھ کرنا ہوگا۔

ٹرمپ نے کہا کہ وہ چاہتے ہیں چین امریکا کے ساتھ نایاب معدنیات کا کھیل نہ کھیلے، کولمبیا پر ٹیرف سے متعلق مزید اعلان پیر کو کیا جائے گا۔صدر ٹرمپ کا کہنا تھا کہ اگر یوکرین ڈونباس کا علاقہ روس کے حوالے کر دے تو یہ کوئی نئی بات نہیں ہو گی۔انھوں نے مزید کہا کہ غزہ میں جنگ بندی اب بھی برقرار ہے۔