ڈیرہ غازیخان،پولیس نے چوری کی وارداتوں سمیت کمسن بچی سے زیادتی کے واقعہ کے مقدمات درج کرکے تفتیش شروع کردی

جمعہ 4 مئی 2018 17:31

ڈیرہ غازیخان(اُردو پوائنٹ اخبارتازہ ترین - این این آئی۔ 04 مئی2018ء) چوری کی وارداتوں سمیت کمسن بچی کیساتھ زیادتی کے واقعہ پر پولیس نے مقدمات درج کرکے تفتیش شروع کردی۔ تفصیلات کے مطابق تونسہ صدر پولیس کو دیئے گئے بیان میں سردار خان نے موقف اختیار کیاکہ قاری کاشف نے اسکی بیٹی خدیجہ بعمر9/10سال کیساتھ زیادتی کی ۔

(جاری ہے)

محمد علی نے پولیس کو بیان دیا کہ عبدالمالک سمیت پانچ ملزمان نے اسکا موبائل فون اور نقدی سرقہ کرلی، غلام سرور نے بتایا کہ سعید سمیت تین ملزمان نے گھر سے نقدی وزیورات سرقہ کرلئے تھانہ صدر پولیس نے مدعیان کے بیانات پر دوالگ الگ مقدمات درج کرکے تفتیش شروع کردی، بی ڈویژن پولیس نے محمد اقبال کے بیان پر نامعلوم ملزمان کیخلاف موٹرسائیکل سرقہ کئے جانے کا جبکہ طالب حسین کے بیان پر طاہر سمیت گیارہ ملزمان کیخلاف نقدی سرقہ کرنے و دھمکیاں دیئے جانے کی دفعات کے تحت کارروائیاں کیں۔