امریکہ، سیکیورٹی نقطہ نظر،ا لیکٹرانک آلات کی چیکنگ مزید سخت

مسافرموبائل فون کے حجم سے بڑے الیکٹرانک آلات لیکر ہوائی سفر سے گریز کریں،غیر ملکی ہوائی اڈے امریکی ٹرانسپورٹ سکیورٹی کی 2017ء کے وسط سے لاگو پالیسی کو اپنائیں، امریکی انتباہ

جمعہ 4 مئی 2018 18:46

واشنگٹن(اُردو پوائنٹ اخبارتازہ ترین - آئی این پی۔ 04 مئی2018ء) امریکہ میں سیکیورٹی نقطہ نظر کی وجہ سے الکٹرانک آلات کی چیکنگ کو مزید سخت کر دیا،مسافرموبائل فون کے حجم سے بڑے الیکٹرانک آلات لیکر ہوائی سفر سے گریز کریں،غیر ملکی ہوائی اڈے امریکی ٹرانسپورٹ سکیورٹی کی 2017ء کے وسط سے لاگو پالیسی کو اپنائیں۔غیر ملکی میڈیا کے مطابق امریکا میں ٹرانسپورٹ سکیورٹی کی انتظامیہ نے دھماکا خیز مواد کو چھپائے جانے کے امکان کے اندیشے سے گزشتہ موسم گرما سے امریکی مسافروں کے الکٹرانک آلات کی چیکنگ کو مزید سخت کر دیا۔

متعلقہ عہدے داران کے مطابق انتظامیہ چاہتی ہے کہ دیگر ممالک کے ہوائی اڈوں پر بھی امریکا کا رخ کرنے والے مسافروں کے الکٹرونک آلات کی چیکنگ کو سخت بنایا جائے۔

(جاری ہے)

جولائی 2017ء سے امریکی انتظامیہ نے اندرون ملک تمام پروازوں کے مسافروں سے اس مطالبے کا آغاز کیا تھا کہ وہ ایسے تمام برقی آلات کو خصوصی تلاشی کے واسطے اپنے سامان سے نکال دیں جن کا حجم موبائل فون سے بڑا ہو۔

ان میں ٹیبلیٹ، برقی کتابیں اور وڈیو گیمز کے کنسولز شامل ہیں۔امریکی ٹرانسپورٹ سکیورٹی کی جانب سے جاری نئی یادداشت میں کہا گیا ہے کہ غیر ملکی ہوائی اڈوں سے مطالبہ کیا گیا ہے کہ وہ امریکی ٹرانسپورٹ سکیورٹی کی 2017ء کے وسط سے لاگو پالیسی کو اپنائیں۔ اس حوالے سے مسافروں کو کھانے پینے کی اور ایسی دیگر اشیاء باہر نکال کر چیک کرانا ہوں گی جن کا معائنہ اسکینررز میں باریک بینی سے نہیں کیا جا سکتا۔

امریکی انتظامیہ کی جانب سے ارسال کردہ یادداشت میں کہا گیا ہے کہ "امریکا سوٹ کیسز اور بیگز کو مذکورہ اشیائ سے خالی کرنے کے حوالے سے غیر ملکی حکومتوں کے ساتھ تعاون کے لیے کوشاں ہے۔امریکی انتظامیہ کی یادداشت کا مقصد 105 ممالک کے 280 ایسے ہوائی اڈوں پر مسافروں کی تلاشی ہے جہاں سے پروازیں امریکا کا رخ کرتی ہیں۔ واضح رہے کہ روزانہ 2100 پروازوں کے ذریعے تقریبا 3.25 لاکھ مسافر امریکا پہنچتے ہیں۔