بیروزگاری کے خاتمے کیلئے نجی شعبہ کی حوصلہ افزائی، سہولیات فراہم کرنے کی ضرورت ہے،
بجٹ میں عوام کی فلاح و بہبود کیلئے زیادہ اقدامات نظر نہیں آتے،کمزور طبقات کے حقوق کا تحفظ نہ ہونے تک ملک میں بے چینی ختم نہیں ہو سکتی، تعلیم اور صحت کے شعبوں کے بجٹ میں اضافہ ناگزیر ہے، ٹیکسوں کی شرح کم کرنے ،ٹیکسوں کا دائرہ کار بڑھانے ،خواتین کو ترقی کے دھارے میں لانے کیلئے ٹھوس اقدامات کی ضرورت ہے،روپے کی قدر کو مستحکم بنائے بغیر معیشت کو ترقی نہیں دی جا سکتی، اراکین سینیٹ کا بجٹ 2018-19ء پر بحث میں اظہار خیال
بدھ 9 مئی 2018 20:21
(جاری ہے)
انہوں نے کہا کہ بجٹ عوام کی توقعات کے مطابق ہونا چاہئے تھا۔ جب تک کمزور طبقات کے حقوق کا تحفظ نہیں ہوگا، ملک میں بے چینی ختم نہیں ہو سکتی۔
انہوں نے کہا کہ صنعتی اور زرعی شعبوں کو مزید سہولیات فراہم کر کے معاشی ترقی کی رفتار تیز کی جا سکتی ہے۔ سینیٹر طلحہ محمود نے کہا کہ اس وقت ملک کو جو حالات درپیش ہیں ان میں مثالی بجٹ پیش کرنا بہت مشکل تھا۔ بجٹ کا انحصار اس بات پر ہوتا ہے کہ عام آدمی کو اس سے کتنا فائدہ ہوگا اور معیشت کتنی ترقی کرے گی۔ انہوں نے کہا کہ بالواسطہ ٹیکسوں کی بھرمار سے مہنگائی بڑھ رہی ہے اور کم آمدنی والے طبقے کی مشکلات میں اضافہ ہو رہا ہے۔ درآمدات بڑھنے اور برآمدات میں کمی سے تجارت میں بھی عدم توازن پیدا ہوا ہے۔ انہوں نے کہا کہ روپے کی قدر کو مستحکم بنائے بغیر معیشت کو ترقی نہیں دی جا سکتی۔ صنعتی شعبہ ملکی ترقی میں اہم کردار ادا کرتا ہے لیکن ٹیکس بڑھنے کی وجہ سے اس میں ترقی کی رفتار ہمیں نظر نہیں آ رہی۔ ٹیکسوں کی شرح کم کرنے اور ٹیکسوں کا دائرہ کار بڑھانے کی ضرورت ہے۔ بے روزگاری کے خاتمے کے لئے نجی شعبہ کو سہولیات فراہم کی جانی چاہئیں۔ تعلیم اور صحت کے شعبہ کے بجٹ میں اضافہ ناگزیر ہے۔ فنی و پیشہ ورانہ تعلیم وقت کی ضرورت ہے۔ سینیٹر سراج الحق نے کہا کہ ملک میں وسائل کی منصفانہ تقسیم نہ ہونے کی وجہ سے مسائل پیدا ہو رہے ہیں۔ معیشت کو دستاویزی شکل دینے کے لئے کوئی اقدامات نہیں کئے گئے اور ہمیں خدشہ ہے کہ بجٹ خسارہ کم کرنے کے لئے مزید قرضے لینا پڑیں گے۔ انہوں نے کہا کہ غربت کے خاتمے کیلئے جب تک اقدامات نہیں ہوں گے معاشرے میں مساوی نظام قائم نہیں ہو سکتا۔ خواتین کو بھی ترقی کے دھارے میں لانے کی ضرورت ہے اور اس کے لئے ٹھوس اقدامات کی ضرورت ہے۔ جب تک کرپشن کا خاتمہ نہیں ہوگا، ملک ترقی نہیں کر سکتا۔ سینیٹر مرزا خان آفریدی نے کہا کہ فاٹا کی ترقی کے لئے مزید فنڈز دینے کی ضرورت ہے۔ فاٹا اس وقت مسائل کا شکار ہے۔ فاٹا کے عوام کو بھی ترقی کے عمل میں شریک کرنے کیلئے اقدامات کئے جانے چاہئیں۔مزید قومی خبریں
-
آپریشن ضرب عضب اور رد الفساد کے ذریعے دہشت گردی کو جڑ سے اکھاڑا گیا، وفاقی حکومت دہشت گردی کے خاتمہ کیلئے صوبوں کے ساتھ مکمل تعاون کررہی ہے، وفاقی وزیراطلاعات عطااللہ تارڑکا قومی اسمبلی میں توجہ ..
-
عدالتی معاملات میں کسی کی مداخلت قابل قبول نہیں، چیف جسٹس قاضی فائز عیسیٰ
-
گورنر سندھ کی جرمن قونصلیٹ میں "کراس آف دی آرڈر آف میرٹ آف جرمنی بارے منعقدہ تقریب میں شرکت
-
خاوند نے بیوی کا گلا کاٹ دیا، مارٹ مالک نے نوکر کو گولی مار دی
-
ہائیکورٹ نے فرح شہزادی کے بچوں کو بیرون ملک جانے کے اجازت دے دی
-
جمہوریت کی بقاء کے لئے ایوان پر بھاری ذمہ داری عائد ہوتی ہے، سینیٹرفیصل واوڈا
-
وزیر اعلی بلوچستان میر سرفراز بگٹی نے مزدور پیشہ افراد کے چار سو بچوں کو ملک کے اعلی تعلیمی اداروں میں بھیجنے کا اعلان کر دیا
-
حکومت ملیریا کی روک تھام اور خاتمے کے لئے مناسب اقدامات اٹھا رہی ہے ، وزیراعظم
-
سولر پینلز کی بے تحاشا انسٹالیشن ، حکومت نے نیٹ میٹرنگ نرخ گرانے کی تیاری کرلی
-
طلباء کو موٹر سائیکل فراہم کرنے کی سکیم، 20ہزار بائیکس کیلئے 1 لاکھ طلبا ء نے رجسٹریشن کروالی
-
ٹرین میں تاریں کاٹ کر تانبہ چوری کرنے والا شخص پکڑا گیا
-
مسلم لیگ (ن) کا دفتر جلانے کا کیس، یاسمین راشد ، اعجاز چودھری ، صنم جاویدو دیگر فرد جرم کیلئے طلب
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.