اِستقبال رمضان کانفرنس جمعہ کو با دشاہی مسجد لاہور میں ہوگی

بدھ مئی 23:41

لاہور۔9 مئی(اُردو پوائنٹ اخبارتازہ ترین۔ 09 مئی2018ء) خطیب امام بادشاہی مسجد لاہور وچیئر مین مجلس علماء پاکستان مولانا سید عبد الخبیر آزاد نے خطیب ہاؤس میں علماء سے ملاقات کرتے ہوئے کہا کہ بادشاہی مسجد لاہور میں استقبال رمضان کانفرنس بروزجمعہ گیارہ ۱۱مئی ساڑھے بارہ بجے دن کو بادشاہی مسجد لاہور میں مولانا سید عبد الخبیر آزاد کی زیر صدارت منعقد ہور ہی ہے ، جبکہ مہمانان خصوصی میں صوبائی وزیر سید زعیم حسین قادری،،سیکرٹری اوقاف اعجاز احمد خان ،ڈائریکٹر جنرل مذہبی امور اوقاف ڈاکٹر سید طاہر رضا بخاری ہوں گے، کانفرنس میں رمضان المبارک کی آمد اور استقبال کے حوالے سے علماء مشائخ و مہمانان گرامی شرکت و خطاب کریں گے، ،،رمضان المبارک کا ماہ مبارک جس میں اللہ تبارک وتعالیٰ اپنے بندوں پر رحمت اوران کی مغفرت فرماتے ہیں ،تمام اہل اسلام سے گذارش ہے کہ وہ اجتماعی دعا میں شریک ہوں ۔