سخت گرمی میں کپاس کوکم وقفہ سے ہلکاپانی لگائیں،محکمہ زراعت

جمعرات 10 مئی 2018 11:50

قصور۔10 مئی(اُردو پوائنٹ اخبارتازہ ترین - اے پی پی۔ 10 مئی2018ء) محکمہ زراعت نے کپاس کے کاشتکاروں کو آبپاشی کیلئے مقررہ شیڈول پرعملدرآمد کی ہدایت کی ہے اور کہاہے کہ سخت گرمی میں کم وقفہ سے کپاس کو ہلکاپانی خصوصاً سخت رقبے والے علاقے میں شام کے وقت پانی لگانے کیلئے ضروری اقدامات کئے جائیں تاکہ کپاس کی فصل کو سوکھنے اور کسی بھی قسم کے نقصان سے بچایاجاسکے۔

(جاری ہے)

محکمہ کے ترجمان نے کاشتکاروں کو ہدایت کی کہ وہ ڈرل سے قطارو ں میں کاشت کی گئی کپاس کیلئے پانی کا وقفہ 12سے 15ایام تک جبکہ پٹریوں پرکپاس کی کاشت کی صورت میں 6سے 9روزتک رکھیں۔