9مئی کو جلائو گھیرائو کیس:عمر سرفراز چیمہ ،یاسمین راشد،محمود الرشید اور اعجاز چوہدری کیخلاف ٹرائل یکم جون تک ملتوی

ہفتہ 11 مئی 2024 18:04

لاہور (اُردو پوائنٹ اخبارتازہ ترین - آن لائن۔ 11 مئی2024ء) انسداد دہشت گردی عدالت کے جج ارشد جاوید نے 9مئی کو مغلپورہ،زمان پارک اور راحت بیکری کے سامنے پولیس کی گاڑیاں جلانے کے 3کیسوں میںسابق گورنر عمر سرفراز چیمہ ڈاکٹر یاسمین راشد،میاںمحمود الرشید اور اعجاز چوہدری کیخلاف ٹرائل یکم جون تک ملتوی کر دیا،عدالت نے آئندہ سماعت پر ملزمان کو فرد جرم عائد کرنے کیلئے طلب کر لیا ،عدالت نے حکم دیا کہ آئندہ سماعت پر دیگر ملزمان میں چالان کی کاپیاں تقسیم جائیں گی ،مقدمہ میں خدیجہ شاہ اور سوشل میڈیا ایکٹوسٹ صنم جاوید بھی نامزد ملزم ہیں، ڈاکٹر یاسمین راشد نے میڈیا سے گفتگو کرتے ہوئے کہا فارم 47 پر بننے والی وزیر اعلیٰ کے پاس مذاکرات کرنے کا اختیارات ہی وزیر اعلیٰ پنجاب تو اپنی مرضی سے آئی جی پولیس پنجاب کو تبدیل نہیں کرسکتی وہ ہم سے مذاکرات کیسے کرسکتی ہیں ملک کو نواز دیتے دیتے شہباز دیتے بیٹھے، وہ ہمارے ساتھ کیسے مذاکرات کرسکتے ہیں ان کی سوچ ضیاء الحق کی عکاس ہے،وکلا، کسانوں اور مائوں بیٹیوں پر ظلم کیا جا رہا ہے۔