نہتے فلسطینی مسلمانوں پر اسرائیلی درندگی،14سالہ بچے سمیت 16فلسطینی شہید،550زخمی

پیر مئی 19:35

غزہ(اُردو پوائنٹ اخبارتازہ ترین۔ 14 مئی2018ء) اسرائیل نے غزہ میں امریکی سفارتخانے کی مقبوضہ بیت المقدس منتقلی کے موقع پردرندگی کا مظاہرہ کرتے ہوئے نہتے فلسطینیوں کو فائرنگ کر کے بھون ڈالا، 14سالہ بچے سمیت 16فلسطینی شہید جب کہ 550زخمی ہو گئے۔غیر ملکی میڈیا کے مطابق اسرائیلی فوج نے احتجاج کرنے والے نہتے فلسطینیوں پر فائرنگ کردی جس سے 16 فلسطینی شہید ہوگئے۔

(جاری ہے)

غیر ملکی خبر رساں ادارے کے مطابق غزہ کی پٹی پر فلسطینیوں نے مقبوضہ بیت المقدس میں امریکی سفارتخانے کی منتقلی کے فیصلے کے خلاف احتجاج کیا جس میں شہریوں کی بڑی تعداد نے شرکت کی۔خبر ایجنسی کے مطابق گریٹ مارچ آف ریٹرن میں شرکت کیلیے فلسطینیوں کی بڑی تعداد غزہ میں موجود تھی جس نے اسرائیل کے قیام کی 70 سال مکمل ہونے پر احتجاج کیا۔اسرائیلی فوج نے احتجاج کرنے والے نہتے فلسطینیوں پر فائرنگ کردی جس سے 14 سالہ لڑکے سمیت 16 افراد شہید اور550 سے زائد زخمی ہوگئے۔