بھارتی شہر احمد آباد میں ٹرک کے الٹنے سے 19 ہلاک افراد ، 6 زخمی

ہفتہ 19 مئی 2018 12:40

احمد آباد۔ (اُردو پوائنٹ اخبارتازہ ترین - اے پی پی۔ 19 مئی2018ء) بھارتی ریاست گجرات میں احمدآباد ضلع کے دھولیرا علاقے میں ایک ٹرک کے الٹ جانے سے 19 افراد کی موت ہو گئی اور 6دیگر زخمی ہو گئے۔

(جاری ہے)

پولیس سپرنٹنڈنٹ راجندر اسارک نے بتایا کہ دھولیرا-بھاؤنگر ہائی وے پر باولیا نی گاؤں کے قریب صبح سیمنٹ سے بھرا ٹرک اچانک بے قابو ہوکر پلٹ گیا۔جس میں 19 افراد کی موت ہو گئی۔ ٹرک سوار مزدور امریلی ضلع کے پاپاواؤ سے کھیڑا کے آنند کی جانب مزدوری کرنے جا رہے تھی. حادثے کے بعد ٹرک ڈرائیور فرار ہو گیا۔مرنے والوں میں 8 سے 14 سال کے تین بچے، 12 خواتین اور چار مرد ہیں. 6 زخمیوں کو اسپتال میں داخل کرایا گیا ہے۔