عوام کے جان و مال کا تحفظ پولیس کی اولین ذمہ داری ہے، کسی بھی شہر کا امن خراب نہیں کرنے دیں گے، ڈی آئی جی پولیس نصیر آبادنذیر احمد کرد

پیر 21 مئی 2018 20:25

ڈیرہ مراد جمالی۔21مئی(اُردو پوائنٹ اخبارتازہ ترین - اے پی پی۔ 21 مئی2018ء) ڈی آئی جی پولیس نصیر آبادنذیر احمد کرد نے ڈیرہ مراد جمالی اور اوستہ محمد میں آئے روز ہونے والے چوری کی وارداتوں پر سخت برہمی کا اظہار کرتے ہوئے ایس ایس پی نصیر آباد اور جعفرآباد سے رپورٹ طلب کر لی،تفصیلات کے مطابق ڈیرہ مراد جمالی اور اوستہ محمد میں آئے روز ہونے والے چوری اور ڈکیتی کے وارداتوں پر ڈی آئی جی پولیس نصیر آباد نذیراحمد کردنے سخت برہمی کا اظہار کیا اور ایس ایس پی نصیر آباد اور جعفرآباد سے ہونے والے واقعات کی رپورٹ طلب کرلی اس موقع پر ڈی آئی جی پولیس نصیر آباد نذیر احمد نے میڈیاسے بات چیت کرتے ہوئے کہا کہ عوام کے جان و مال کی تحفظ پولیس کی اولین ذمہ داری ہے، کسی بھی شہر کا امن خراب نہیں ہونے دیں گے آئے روز ہونے والے چوری اور ڈکیتی کے وارداتوں سے عوام میں بے چینی پیدا ہو گئی ہے ۔