رنویر سنگھ نے اداکاری کو اپنی پہلی محبت قرار دے دیا

جمعرات 24 مئی 2018 11:20

ممبئی۔ (اُردو پوائنٹ اخبارتازہ ترین - اے پی پی۔ 24 مئی2018ء) بالی وڈ اداکار رنویر سنگھ نے اپنی پہلی محبت اداکاری کو قرار دیتے ہوئے کہا کہ سیلیبرٹی ہونے کی حیثیت سے ان کی کچھ ذمہ داریاںہوتی ہیں اس لئے ان کی زندگی آسان نہیں ہوتی۔

(جاری ہے)

بھارتی ذرائع ابلاغ کے مطابق رنویر سنگھ نے اس بات کا اعتراف کرتے ہوئے کہا کہ میرا خواب تھا کہ میں لوگوں کی نگاہوںکا مرکز بنوں۔انہوں نے کہا کہ بطور اداکار آپ کو ہر وقت کیمروں کا سامنا رہتا ہے جس سے آپ کو بہت محتاط رہتا پڑتاہے اور بعض اوقات تو یہ بہت زیادہ ہو جاتا ہے، لیکن میں ان سب کے باوجود بھی بہت خوش ہوں کہ میں شائقین کی توجہ کا مرکز ہوں۔ رنویر سنگھ فلم ’’سمبا‘‘ ،’’ ٹھگزآف ہندوستان‘‘ اور’’گلی بوائے‘‘ میں دکھائی دیں گے۔