دینی مدارس کوکنٹرول کرنے کا سندھ حکومت کا منصوبہ آخری وقت میں تبدیل
ترمیمی بل اسمبلی کے رواں اجلاس سے پاس کرانے کی حکمت عملی عین وقت پرموخرکردی گئی
ہفتہ 26 مئی 2018 18:16
(جاری ہے)
سندھ کی وزارت قانون اوروزارت مذہبی امورکی جانب سے ترمیمی بل میں تجویز کیا گیا تھا کہ سندھ میں نئے دینی مدارس کے قیام کے لیے ضلعی پولیس کے سربراہ اور متعلقہ انتظامیہ سے این او سی لینا لازمی ہوگا جس کے بغیرصوبے میں نیا دینی مدرسہ نہیں کھولا جاسکے گا جبکہ پہلے سے قائم اوررجسٹرڈ دینی مدارس کے لیے ترمیمی بل میں لازم قراردیا گیا تھا کہ رجسٹرڈ دینی مدرسہ کو ہردو سال بعد رجسٹریشن کی توثیق کرانا ہوگی علاوہ ازیں سندھ میں کسی بھی ایسے شخص کونئے دینی مدرسہ کے قیام کا اجازت نامہ جاری نہ کرنے کی ترمیم بھی بل کا حصہ تھی جس کے تحت کریمنل ریکارڈ اور فورتھ شیڈول میں شامل کسی بھی شخص کونئے دینی مدرسہ کے قیام کی این اوسی جاری نہ کرنے کی شرط عائد کی گئی تھی ۔
ترمیمی بل میں غیرملکی طلبہ کے لیے داخلہ سے متعلق نئی پالیسی متعارف کرانے کی تجویز دی گئی تھی اوریہ شرط عائد کی گئی تھی کوئی بھی دینی مدرسہ صرف غیرملکی طلبہ کوداخلہ نہیں دے سکیں گے کسی بھی دینی مدرسہ کوزیرتعلیم مقامی طلبہ کی مجموعی تعداد کے مقابل صرف دس فیصد غیرملکی طلبہ کوداخلہ دینے کی اجازت ہوگی جبکہ حکومتی اجازت کے بغیرقائم ہونے والے کسی بھی دینی مدرسہ کوغیرقانونی تصورکیا جائے گا۔ ترمیمی بل کے مسودے کے مطابق رجسٹرڈ دینی مدارس کو حکومت سندھ کا منظور کردہ عصری نصاب پڑھانا دینی مدارس کے لیے لازمی ہوگا اور کریمنل ریکارڈ کی حامل دینی اور مذہبی شخصیات دینی مدرسہ قائم کرنے اوراسے چلانے کی اہل نہیں ہونگی۔ معتمد ترین ذرائع کا کہنا ہے کہ عین انتخابات کے موقع پردینی مدرسہ سے متعلق نئی قانون سازی سے پیدا ہونے والی ممکنہ محاذآرائی سے بچنے کے لیے پیپلزپارٹی کی قیادت نے صوبائی حکومت کودینی مدرسہ سے متعلق قانون سازی مخرکرنے کی ہدایت کی جس کے بعد سندھ اسمبلی کے رواں اجلاس کے ایجنڈے پر1860ء کے سوسائٹی ایکٹ میں ترامیم کا بل مخرکردیاگیا۔واضح رہے کہ اس سے قبل فروری 2016 ء میں سندھ اسمبلی میں 1860 کے سوسائٹی ایکٹ میں ترمیم کے بل کودینی مدارس اور دینی تعلیمی اداروں کیخلاف نئی سازش قراردیتے ہوئے مدارس تنظیمات نے مسترد کردیا تھا۔مزید قومی خبریں
-
آپریشن ضرب عضب اور رد الفساد کے ذریعے دہشت گردی کو جڑ سے اکھاڑا گیا، وفاقی حکومت دہشت گردی کے خاتمہ کیلئے صوبوں کے ساتھ مکمل تعاون کررہی ہے، وفاقی وزیراطلاعات عطااللہ تارڑکا قومی اسمبلی میں توجہ ..
-
عدالتی معاملات میں کسی کی مداخلت قابل قبول نہیں، چیف جسٹس قاضی فائز عیسیٰ
-
گورنر سندھ کی جرمن قونصلیٹ میں "کراس آف دی آرڈر آف میرٹ آف جرمنی بارے منعقدہ تقریب میں شرکت
-
خاوند نے بیوی کا گلا کاٹ دیا، مارٹ مالک نے نوکر کو گولی مار دی
-
ہائیکورٹ نے فرح شہزادی کے بچوں کو بیرون ملک جانے کے اجازت دے دی
-
جمہوریت کی بقاء کے لئے ایوان پر بھاری ذمہ داری عائد ہوتی ہے، سینیٹرفیصل واوڈا
-
وزیر اعلی بلوچستان میر سرفراز بگٹی نے مزدور پیشہ افراد کے چار سو بچوں کو ملک کے اعلی تعلیمی اداروں میں بھیجنے کا اعلان کر دیا
-
حکومت ملیریا کی روک تھام اور خاتمے کے لئے مناسب اقدامات اٹھا رہی ہے ، وزیراعظم
-
سولر پینلز کی بے تحاشا انسٹالیشن ، حکومت نے نیٹ میٹرنگ نرخ گرانے کی تیاری کرلی
-
طلباء کو موٹر سائیکل فراہم کرنے کی سکیم، 20ہزار بائیکس کیلئے 1 لاکھ طلبا ء نے رجسٹریشن کروالی
-
ٹرین میں تاریں کاٹ کر تانبہ چوری کرنے والا شخص پکڑا گیا
-
مسلم لیگ (ن) کا دفتر جلانے کا کیس، یاسمین راشد ، اعجاز چودھری ، صنم جاویدو دیگر فرد جرم کیلئے طلب
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.