خاتون کے بنائے خوفناک کھلونےہزاروں ڈالر میں فروخت ہونے لگے۔ مشہور شخصیات بھی دیوانی ہوگئیں

ایک خاتون کے بنائے  خوفناک کھلونے (WerePups)   آج کل انٹرنیٹ پر کافی مشہور ہو رہے ہیں۔ مشہور شخصیات بھی ان کھلونوں کے  لیے پاگل ہو  رہی ہیں۔
34سالہ ایشیا  اریکسین کے بنائے یہ  کھلونے انسانی بچے اور بھیڑیے  کی ملی جلی شکل کے ہوتے ہیں اور انہیں بنانے میں کئی ماہ بھی لگ جاتے ہیں۔ خوفناک چیزوں کو پسند کرنے والے ایشیا کے بنائے کھلونوں کو بھی بہت پسند کر رہے ہیں۔

ایشیا کے بنائے کھلونے 500 پاؤنڈ سے 1000 پاؤنڈ میں فروخت ہوتے ہیں۔

(جاری ہے)

خوفناک فلموں میں کام کرنے والے بہت سے اداکار بھی ایشیا سے یہ کھلونے خرید چکے ہیں۔

ایشیا کا کہنا ہے کہ اس کی لیب میں طب سے متعلقہ بہت سی عجیب و غریب چیزیں ہوتی ہیں۔ ایشیا نے لیب کا ماحول بھی کافی خوفناک بنایا ہوا ہے۔ ایشیا نے ایک عجیب و غریب بات بتائی کہ وہ کھلونے بنانے سے پہلے اپنی ہی بنائی ہوئی ڈاکٹر بیکسٹر کی ثانوی شخصیت میں ڈھل جاتی ہیں۔
ایشیا نے بتایا کہ کچھ لوگ تو خوفناک چیزوں کے شوقین ہوتے ہیں، اسی لیے یہ کھلونے خریدتے ہیں، جبکہ کچھ لوگ اپنے پالتو جانوروں یا کسی کی یاد میں انہیں خریدتے ہیں۔ لوگ کسی جانور یا انسان کے ہمشکل کھلونے بھی بنوائے ہیں۔