نگران وزیر اعلی کا انتخاب نہ کرسکنے والی جماعت ملک کی تقدیرکیسے بدلے گی ،

100روزہ منشور پر کیسے عمل کرے گی پی ٹی آئی نے پہلے کے پی کے میں وزیر اعلی کے حوالے سے یو ٹرن لیا وفاقی وزیر داخلہ پروفیسر احسن اقبال کا ڈی پی او آفس کی نئی عمارت کا سنگ بنیاد رکھنے کے تقریب سے خطاب

جمعرات 31 مئی 2018 23:06

نگران وزیر اعلی کا انتخاب نہ کرسکنے والی جماعت ملک کی تقدیرکیسے بدلے ..

نارووال (اُردو پوائنٹ اخبارتازہ ترین۔ 31 مئی2018ء) وفاقی وزیر داخلہ پروفیسر احسن اقبال نے کہا ہے جو جماعت ایک نگران وزیر اعلی کا انتخاب نہیں کر سکتی وہ ملک کی تقدیر اور 100دن کے منشور پر کیسے عمل کرے گی پی ٹی آئی نے پہلے کے پی کے میں وزیر اعلی کے حوالے سے یو ٹرن لیا اور پھر پنجاب میں اتفاق کرکے چوبیس گھنٹوں میں پھر یو ٹرن لیا جب ان سے پوچھا گیا کہ پنجاب کے نگران وزیر اعلی کے حوالے سے نام واپس کیوں لیا گیا تو کہا کہ ہم نے یہ فیصلہ سوشل میڈیا پر ہونے والی باتوں کے بعد کیا ۔

وہ گزشتہ روز نا رووال میں ڈی پی او آفس کی نئی عمارت کا سنگ بنیاد رکھنے کے تقریب سے خطاب کررہے تھے ۔ منصوبہ پر 70 ملین روپے لاگت آئے گی انہوں نے کہا کہ ہم اسی لئے کہتے ہیں کہ یہ اناڑی اور غیر سنجیدہ ناتجربہ کار جماعت ہے ۔

(جاری ہے)

اس موقع پر میڈیا سے گفتگو کرتے ہوئے وفاقی وزیر داخلہ نے کہا کہ احسن اقبال نے کہا کہ مسلم لیگ ن نے ہمیشہ ڈیل اللہ کی مخلوق سے کی ہی2013کے عام انتخابات میں ووٹرز نے وزیر اعلی پنجاب کی کارکردگی کو دیکھتے ہوئے ووٹ دیا تھا اور اب ملک بھر میں اربوں روپوں کے ترقیاقی کام ہو رہے ہیں اگرکسی بھی قسم کی تبدیلی ہوئی تو اربوں روپے کی سرمایہ کاری روک جائے گی۔

تو ان کاموں کا حال بھی ویسا ہی ہو گیا جیسے پہلے موٹر وے کا ہوا تھا ہم نے اس کو شروع کیا اور پی پی پی اس کو روک دیتی تھی اور ایک موٹر ویز مکمل کرنے میں ہمیں چار موٹرویز کا خرچہ کرنا پڑا،۔۔پاکستان کو تسلسل کی ضرورت ہے انہوں نے کہا کہ ہم اداروں کی احترام کرتے ہیں اور آئین پر یقین رکھتے ہیں۔30 سالوں میں کبھی عدالت کی توہین نہیں کی۔۔سپریم کورٹ ہمارے ملک کا بڑا گھر ہے اور ہر شہری کا حق ہے کہ وہ اپنی فریاد وہاں پہنچا سکتا ہے۔مجھے سنے بغیر میرے خلاف فیصلہ دیا گیاجس پر میرا حق تھا کہ میں نے شہری کی حیثیت سے شکوہ کیا۔