احسن اقبال نے فواد چوہدری کی جانب سے ریحام خان کی مریم نوازسے ملاقات کر انے کے بیان کو مسترد کردیا

پی ٹی آئی نے اپنے دفاع کیلئے من گھڑت ای میلز کا سہارا لیا ،ْ مہر بانی فرما کر مجھے ریحام خان اور عمران خان کے معاملے میں نہ گھسیٹا جائے ،ْسابق وزیر داخلہ

اتوار 3 جون 2018 13:30

اسلام آباد (اُردو پوائنٹ اخبارتازہ ترین - این این آئی۔ 03 جون2018ء) سابق وزیر داخلہ احسن اقبال نے فواد چوہدری کی جانب سے ریحام خان کی مریم نوازسے ملاقات کر انے کے بیان کو مسترد کرتے ہوئے کہاہے کہ پی ٹی آئی نے اپنے دفاع کیلئے من گھڑت ای میلز کا سہارا لیا ،ْ مہر بانی فرما کر مجھے ریحام خان اور عمران خان کے معاملے میں نہ گھسیٹا جائے ۔

(جاری ہے)

تفصیلات کے مطابق پاکستان تحریک انصاف کے چیئر مین عمران خان کی سابق اہلیہ ریحام خان اور پی ٹی آئی رہنما حمزہ علی عباسی کے درمیان ٹویٹر پر ’سرد جنگ ‘کا آغاز گزشتہ رات ہوا جس کے بعد ایک دوسرے پر الزامات کی بارش کی گئی اور مبینہ ای میلز لیک کی گئیں جس میں ایک الزام احسن اقبال پر بھی لگایا گیاکہ انہوں نے ریحام خان اور مریم نواز کی مبینہ طور پر ملاقات کروائی جس پر اب سابق وزیر داخلہ میدان میں آ گئے ۔

احسن اقبال نے ٹویٹر پر پیغام جاری کر تے ہوئے کہاکہ ’’پی ٹی آئی نے اپنے دفاع کیلئے من گھڑت ای میلز کا سہارا لیا ،میری ریحام خان سے آخری مرتبہ لاقات ’آج‘ کے سٹوڈیو میں ہوئی تھی اور وہ بھی ریحام خان کی عمران خان سے شادی سے پہلے اور نہ ہی میں نے ان کی کیس کے ساتھ میٹنگ ارینج کروائی ہے ، مہربانی فرما کر مجھے ریحام خان اور عمران خان کے معاملے میں نہ گھسیٹا جائے۔